Johana 5:22 - ÎVUKU RÎA ÛVORO MWARO

²² Gûtirî mûndû ûtucagîrwa ciira nî Îthe. Ke nîwîtîkîrîtie Mûriû atucanagîre ciira,

Johana 5:22 ပူးပေါင်းရင်းမြစ်များ

Thaburi 96:13

îkaaina îrî mbere ya Ngai-Mûnene rîrîa agaaûka. Nîûndû agaaûka gûtuîra andû a nthî ciira. Ke agaatuîra nthî na waragania na andû a nthî na kîvooto.

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Johana 3:35

Îthe nîwendete Mûriû wake na nîatûmîte agîe na wathani îgûrû rîa maûndû monthe.

Johana 5:27

Nake Vava nîavete Mûriû rûtha rwa gûtuîra andû ciira, nîûndû ke nî Mûrû wa Mûndû.

Johana 9:39

Nake Jesû nîwaugire atîrî, “Nie naûkire gûkû nthî gûtucanîra ciira, nîguo atumumu mavote kwona na arîa monaga matuîke atumumu.”

Ciîko 10:42

Ke nîwatwathire tûvunjîrie andû na tûrute ûira tûmere atî ke nîke wathuurirwe nî Ngai atuîre andû onthe arîa marî mwoyo na arîa akuû.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

2Tim 4:1

Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:

1Pet 4:5

Nwatî nwa magaataarîria ûvoro ûyû kûrî Ngai ûrîa wîvarîrîtie gûcirithia arîa marî mwoyo na arîa akuû.