Johana 5:2 - ÎVUKU RÎA ÛVORO MWARO

² Nakuo kûu îtûûrarî rîa Jerusalemu vakuvî na Kîvingo Kîam Ng'ondu, kwarî na îria rînene rîa manjî rîatumîrîtwe ithaku ithano na rîetagwa Bethizatha na rûthiomi rwa Kîhibirania.

Johana 5:2 ပူးပေါင်းရင်းမြစ်များ

Nehemia 12:39

Kuuma vau nîtwavîtûkîrîre kîvingorî Kîam Efiraimu, na tûkîvîtûkîra kîvingorî kîrîa gîa tene (na nîkîo gîtagwa rîngî kîvingo Kîam Jeshana). Nîtwavîtûkîrîre kîvingorî Kîam nthamaki, na nyombarî ndaca na îgûrû ya îgana nginya tûgîkinya kîvingorî Kîam ng'ondu. Mûthiûrûrûko wetû warîkîre vakuvî na kîvingo Kîam njeera.

Nehemia 3:1

Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

Nehemia 3:32

Aturi a indo cia thaavu na andû arîa maagûraga na makendia indo nîmaatumire rîngî gîcunjî Kîam mûthiia kuuma varîa rûthingo rwa nyomba îgûrû rweyunîrîte nginya Kîvingorî Kîam Ng'ondu.

Isaia 22:11

Nîmwatumire îtangi gatagatî ka nthingo igîrî nîguo rigage manjî rîrîa magwîtîka kuuma kariarî karîa ka mbere. Nwatî mûtiacaria Ngai ûrîa wavangire maûndû mau, na mûtiaûria ûtethio wa Ngai ûrîa wavangire maûndû mau kuuma tene.

Isaia 22:9

na mûkîona atî nthingo cia îtûûra rîa Daudi ciarî mbatûkangu kûndû kwîngî na nîmwecûririe manjî kariarî ka mwena wa ngurumo.

Johana 19:13

Rîrîa Pilato eegwire ciugo icio, nîwarutire Jesû nja na akîmwîkarîria gîtîrî gîa gûtucanîra ciira kîrîa Kîamrî vandû vetagwa “Rwara rwa Îthiga.” (Na Kîhibirania vetagwa “Gabatha.”)

Johana 19:17

Nake nîwathiîre ekuuîrîte mûtharava nginya magîkinya nja ya îtûûra rîu vandû vetagwa “Vandû va Îvîndî rîa Kîongo.” (Na Kîhibirania vetagwa “Gologotha”.)

Johana 19:20

Nao andû eengî nîmaathomire kîmenyithia kîu nîûndû varîa Jesû aambirwe vaarî vakuvî na îtûûra. Nakîo Kîamndîkîtwe na nthiomi mîthemba îthatû: rûthiomi rwa Kîhibirania, Kîlatini na Kîngiriki.

Johana 20:16

Nake Jesû nîwamwîtire atîrî, “Mariamu!” Nake Mariamu nîwevûgûrire na kûrîa Jesû aarî na agîcokia na rûthiomi rwa Kîhibirania atîrî, “Raboni!” (Naguo nî kuga “Mwarimû.”)

Johana 5:3

Nao arwaru eengî: atumumu, ithua, na andû arîa maakuîte ciîga, nîmeekarîte ithakurî icio. [Arwaru acio nîmeetagîrîra manjî maunjugwe,

Johana 7:21

Jesû nîwamacokerie atîrî, “Naamûringîre Kîamma kîmwe, na muonthe mûkîmakua nîkîo.

Ciîko 21:40

Mûnene ûcio wa mbûtû ya athigari nîwamwîtîkîrie, kwoguo Paûlo nîwarûngamire vau ngathîrî na akîambararia njara na kûrî andû akîmeera makire. Rîrîa maakirire, Paûlo nîwamaarîrie na Kîhibirania akîmeera atîrî:

Kûguû 16:16

Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

Kûguû 9:11

Ngige icio ciarî na mûthamaki waciathaga, na nîke mûraika wa îrima rîrikîru rîtarî mûthiia. Rîîtwa rîake na rûthiomi rwa Kîhibirania nî Abandoni; na rûthiomi rwa Kîngiriki agetwa Apolioni (ûguo nîkuga “Mûcûkangia.”)