Johana 5:15 - ÎVUKU RÎA ÛVORO MWARO

¹⁵ Nake mûndû ûcio nîwacokire akîthiî kwîra Ayahudi atî Jesû nîke wamûvonetie.

Johana 5:15 ပူးပေါင်းရင်းမြစ်များ

Maariko 1:45

Nake mûndû ûcio aathiî, nîwaririe atagwîtigîra na agîtambia ûvoro ûcio mûno ûndû Jesû atangîatonyire îtûûrarî wanarî rîrîkû akîonagwa. Kwoguo Jesû nîwathiîre kûndû kwîthithu, nwatî wana arî kuo andû nwa maathiîcaga kûrî ke maumîte kûndû kuonthe.

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Johana 4:29

“Ûkani mûkoone mûndû wambîra maûndû monthe marîa naneka. Nwa kûvoteke ethîrwe ke nîke Mesaya?”

Johana 5:10

Kwoguo Ayahudi nîmaamwîrire atîrî, “Ûmûnthî nî mûthenya wa thavatû na watho wetû ndûgwîtîkîrîtie gûkuua kîvarî gîaku.”

Johana 5:12

Nao Ayahudi nîmaaûririe mûndû ûcio atîrî, “Nî mûndû ûrîkû ûcio ûkwîrire wîke ûguo?”

Johana 5:16

Kwoguo Ayahudi nîmaambîrîrie kûnyarira Jesû nîûndû nîwekaga maûndû ta mama mûthenya wa thavatû.

Johana 5:18

Rîrîa Jesû aaugire ûguo, Ayahudi nîmaagîre na kîîo kîîngî mûno gîa kwenda kûmûûraga. Meendaga gwîka ûguo tî nîûndû atî nîwaunîte watho wîgiî mûthenya wa thavatû, nwatî nîûndû nîwaugîte atî Ngai nî îthe kwoguo akeîganania na Ngai.

Johana 9:15

Na wa rîngî Afarisai nîmaacokire makîûria mûndû ûcio ûrîa gwekîkire nîguo avote kwona. Nake nîwamacokerie atîrî, “Ke amvakire ndaka metho, nanie nînîîthambirie na rîu nînîrona.”

Johana 9:25

Nake nîwamacokerie atîrî, “Nie ndiîcî ke nî mwîvia kana tî mwîvia. Nwatî ûrîa mbîcî nî atî: nîrethagîrwa nîrî mûtumumu na rîu nînîrona.”

Johana 9:30

Nake mûndû ûcio nîwamacokerie atîrî, “Na kaî nîmûramakia-î! Mue mûtiîcî kûrîa aumîte nwatî ke nîke ûramvonirie metho!

Johana 9:34

Nao nîmaamûcokerie atîrî, “Ûngîvota atîa gûtûthomithia na we ûrî mwîvia kuuma rîrîa waciarirwe?” Nao nîmaamwîngatire kuuma kûu îvoerorî.