Johana 4:6 - ÎVUKU RÎA ÛVORO MWARO

⁶ Navo vaarî na kîthima Kîam Jakovu. Nake Jesû aarî mûnogu mûno nîûndû wa kûthiî rûgendo rûu. Kwoguo nîwekarire nthî rûtererî rwa kîthima kîu. Vîndî îo kwarî kîndû ta thaa thita cia mûthenya.

Johana 4:6 ပူးပေါင်းရင်းမြစ်များ

Mathaayo 27:45

Thaa thita cia mûthenya ciakinya, vûrûri wonthe nîwagîre nduma nginya thaa kenda.

Mathaayo 4:2

Nake Jesû nîwenyerekirie mîthenya mîrongo îna. Na kwoguo nîwavûtire mûno.

Mathaayo 8:24

Na wa rîmwe rûkûngi rûnene nî rwambîrîrie kûvurutana kûu manjîrî, na îtarû rîgîtigaria vanini mûno rîvorokere manjîrî. Nwatî Jesû aarî toro.

Luka 2:7

Nake nîwarikithathire mwana wa kavîcî akîmûrigica na cuka na akîmûmamia mûvaratîrî nîûndû gûtiarî na vandû mangîavurûkire kûu mûkawarî.

Luka 9:58

Nake Jesû nîwamûcokerie atîrî, “Mbwe ciîthagîrwa na marima, iconi ikethîrwa na ciomba, nwatî Mûrû wa Mûndû ndarî na vandû angîmama avurûke.”

Johana 11:9

Nake Jesû nîwamerire atîrî, “Na kinthî mûthenya ndwîthagîrwa na mathaa îkûmi na maîrî? Kwoguo mûndû wa wonthe ûthiîcaga mûthenya ndavîngagwa nîûndû nîwonaga ûtheri wa gûkû nthî.

Johana 4:12

Nî Jakovu îthe wetû wa tene watûveere kîthima gîkî. Ke mwene, ciana ciake na ndîthia yake nîmaanyuire manjî ma kîthima gîkî. We ûrenda kuga atî wî mûnene gûkîra Jakovu?”

Johana 4:5

Kwoguo Jesû nîwakinyire îtûûrarî rîa Samaria rîrîa rîetagwa Sikaru, na rîarî vakuvî na mûgûnda ûrîa Jakovu aagaîrîte mûûriû wake Josefu.

Johana 4:7

Mûndûmûka Mûsamaria nîwathiîre gûtava manjî kîthimarî kîu na Jesû akîmwîra atîrî, “Ngundia manjî.”

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.