Johana 4:31 - ÎVUKU RÎA ÛVORO MWARO

³¹ Na kamwerua andû acio makinye, arutwa nîmaathaithaga Jesû etîkîre kûrîa irio makîmwîraga atîrî, “Mwarimû! Wenda tu rîa irio.”

Johana 4:31 ပူးပေါင်းရင်းမြစ်များ

Kîam 24:33

Rîrîa maavirîrwe irio, mûndû ûcio nîwaugire atîrî, “Nie ndingîrîa irio ndambîte kuga vata ûrîa ûndetire.” Labani nîwamwîrire atîrî, “Uga.”

Mathaayo 23:7

Nîmendaga gûkethua na gîtîîo thokorî na gwîtwa ‘arimû’ nî andû.

Mathaayo 23:8

Nwatî mue mûtiagîrîrwe nî gwîtwa ‘arimû,’ nîûndû mue muonthe mûrî ariû a îthe ûmwe na mûrî na mwarimû ûmwe tu.

Mathaayo 26:25

Nake Judasi ûrîa wamûcukanîrîre nîwamûririe atîrî, “Mwathani nînie ngûgûcukanîrîra?” Nake Jesû nîwamûcokerie atîrî, “Ûguo wauga nîguo.”

Mathaayo 26:49

Na wa rîmwe Judasi nîwathiîre kûrî Jesû na akîmwîra atîrî, “Mwarimû! Wî mwaro.” Nîwacokire akîmûmumunya.

Maariko 11:21

Nake Petero nîwaririkanire ûrîa gwekîkîte na akîîra Jesû atîrî, “Mwarimû, taroria! Mûkûyû ûrîa ûrarumire nî mûmû!”

Maariko 14:45

Na wa rîmwe Judasi nîwathiîre kûrî Jesû na akîmwîta, “Mwarimû!” Nîwacokire akîmûmumunya.

Maariko 9:5

Petero nîwerire Jesû atîrî, “Mwarimû, na kaî nî ûndû mwaro atî tûrî ava-î! Tiga tûtume tûnyomba tûthatû: kamwe gaku, kamwe ka Musa na kamwe ka Elija.”

Johana 1:38

Jesû evûgûra, nîwamoonire mamûrûmîrîrîte na akîmaûria atîrî, “Nîndûî mûracaria?” Nao nîmaamûririe atîrî, “Rabii, Wîkaraga kû?” (“Rabii” nî kuga, “Mwarimû.”)

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 11:8

Nao arutwa nîmaamûcokerie atîrî, “Mwarimû, ûrenda gûcoka Judea rîngî na nî mîthenya mînini mîvîtûku kuuma andû a kuo menda gûkûriva na mathiga?”

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 3:26

Kwoguo nîmaathiîre kûrî Johana na makîmwîra atîrî, “Mwarimû, nîûraririkana mûndû ûrîa mûrarî nake mûringo wa Rûnjî rwa Jorodani mwena wa îrathîro, na ûrîa waragia ûvoro ûmwîgiî? Rîu nîaravatithania na andû onthe nîmarathiî kûrî ke!”

Johana 4:30

Kwoguo andû nîmaaumire îtûûrarî rîu na makîthiî kûrî Jesû.

Johana 4:32

Nwatî Jesû nîwerire arutwa ake atîrî, “Nie nîrî na irio cia kûrîa irîa mue mûtaicî.”

Johana 6:25

Rîrîa andû meethîrîrie Jesû mûringo ûcio wîngî wa îria, nîmaamûririe atîrî, “Mwarimû, nîkwa ûûkire gûkû rî?”

Johana 9:2

Nao arutwa ake nîmaamûririe atîrî, “Mwarimû, nî mevia ma û maatûmire mûndû ûyû aciarwe arî mûtumumu? Nî make kana nî ma aciari ake?”