Johana 4:19 - ÎVUKU RÎA ÛVORO MWARO

¹⁹ Mûndûmûka ûcio nîwamwîrire atîrî, “Mûthuuri ûyû, rîu nînamenya atî we wî mûrathi.

Johana 4:19 ပူးပေါင်းရင်းမြစ်များ

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Luka 24:19

Nake Jesû nîwamaûririe atîrî, “Nî maûndû marîkû?” Nao nîmaamûcokerie atîrî, “Maûndû megiî Jesû wa Nazarethi. Methorî ma Ngai na ma andû onthe mûndû ûcio ararî mûrathi ûrarî na ûvoti mûnene maûndûrî marîa araugaga na arekaga.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Johana 4:18

We wanavikua nî athuuri atano, na mûthuuri ûcio wî nake rîu tîke mûthuuriguo. We waria ûma.”

Johana 4:29

“Ûkani mûkoone mûndû wambîra maûndû monthe marîa naneka. Nwa kûvoteke ethîrwe ke nîke Mesaya?”

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 7:40

Andû amwe arîa maarî vo nîmegwire akiuga ûguo na makiuga atîrî, “Na ma mûndû ûyû nî Mûrathi!”

Johana 9:17

Wa rîngî Afarisai acio nîmaaûririe mûndû ûcio atîrî, “We ûngiuga atîa îgûrû rîa mûndû ûcio ûrauga nîke ûrakûvotithirie kwona?” Nake mûndû ûcio nîwamacokerie atîrî, “Ke nî mûrathi.”

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.