Johana 4:15 - ÎVUKU RÎA ÛVORO MWARO

¹⁵ Nake mûndûmûka ûcio nîwamwîrire atîrî, “Mûthuuri ûyû, mva manjî mau, nîguo ndikanacoke kûnyonda wana kana gûka ava rîngî gûtava manjî.”

Johana 4:15 ပူးပေါင်းရင်းမြစ်များ

Thaburi 4:6

Andû eengî mavoyaga makiugaga atîrî, “Ngai-Mûnene, tûtethie nîguo maûndû metû mavue, na ûtwîguîre ntha!”

Johana 4:16

Nake Jesû nîwerire mûndûmûka ûcio atîrî, “Ta thiî ûgeete mûthuuriguo na mûke ava nake.”

Johana 6:26

Nake Jesû nîwamacokerie atîrî, “Nîramwîra na ma atî mue mûranjaria nîûndû nîmûrarîre mîgate mûkîvaa, nwatî tî nîûndû atî nîmûrataûkîrwe nî ûrîa ciama ciakwa irendaga kwonania.

Johana 6:34

Nao andû nîmaamwîrire atîrî, “Mûthuuri ûyû tûvecage mûgate ûcio vingo cionthe.”

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

Aroma 8:5

Nîûndû andû arîa marûmagîrîra maûndû ma mwîrî meciragia maûndû marîa mwîrî wendaga, nwatî andû arîa marûmagîrîra maûndû ma Roho, meciragia wa maûndû marîa Roho endaga.

1Akor 2:14

Mûndû wa wonthe ûtarî na Roho ndangîvota kwamûkîra iveo irîa ciumaga kûrî Roho wa Ngai. Andû ta acio meciragia ûcio nî ûrimû nîûndû vata waguo ûngîtuîrua tu na njîra ya Kîîroho.

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.