Johana 4:10 - ÎVUKU RÎA ÛVORO MWARO

¹⁰ Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:10 ပူးပေါင်းရင်းမြစ်များ

Thaburi 10:17

We Ngai-Mûnene thikîrîria mavoya ma andû arîa avooreri, maûmîrîrie na ûmathikîrîrie,

Thaburi 46:4

Kûrî na rûnjî rûretage gîkeno îtûûrarî rîa Ngai, hekarûrî ya Ngai ûrîa ûrî Îgûrû Mûno.

Ntha 17:6

Nîngaarûngama mbere yenyu îgûrû rîa îthiga kîrîmarî gîa Sinai. Thiî ûkaaringa îthiga rîu na mûragi waku na nîrîkaauma manjî ma kûnyuwa nî andû.” Ûguo nîguo Musa eekire akîonagwa nî atongoria onthe a Isiraeli.

Rwîmbo rwa Nyîmbo 4:15

We wî kîthima kîvecaga mûgûnda manjî, kîthima Kîam manjî marî mwoyo, tûrûnjî tûnyûrûrûkaga kuuma irîmarî cia Lebanoni.

Isaia 12:3

Nîûgaatava manjî ûkenete, kuuma ithimarî cia ûvonokio.”

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 43:20

Nyamû cia kîthaka nîikaandîîa, ciathi na nyaga nîikaangumia; nîûndû nîngaatûma werûrî kûgîe na manjî, werûrî kûgîe na nyûnjî, nîguo andû akwa arîa athuure monage gîa kûnyua.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Ezek 16:35

We îraa rîrî, rîu thikîrîria ciugo cia Ngai-Mûnene!

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Luka 11:13

Ethîrwa mue wana mûrî acûku nîmûmenyaga kûva ciana cienyu indo mbaro, nî maita megana îthe wenyu ûrîa ûrî îgûrû angîvecana Roho Mûtheru kûrî andû arîa mamwîtagia!”

Johana 16:3

Andû nîmakaamwîka maûndû mama nîûndû matiîcî Vava na matimbicî.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

Ciîko 9:11

Nake Mwathani nîwamwîrire atîrî, “Ûkîra ûthiî njîrarî Nûngarû, na wona wakinya mûciî kwa Judasi, ûrîrîrie mûndû ûmwe wa kuuma îtûûrarî rîa Tarishisi wîtagwa Saûlo. Rîu ke arî kûu akîvoya,

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 10:4

na makînyua manjî ma kîîroho. Nîmaanyuire manjî maumîte îthigarî rîa kîîroho rîrîa rîamarûmîrîre. Narîo îthiga rîu rîarî Kristû ke mwene.

2Akor 9:15

Nîtûcokie ngatho kûrî Ngai nîûndû wa kîveo gîake gîtarî kîthimo.

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Ahib 6:4

Andû arîa matiganîrîtie wîtîkio wao nî vinya kûmagarûra nîguo mavere. Nîûndû nîmonete ûtheri na magacama kîveo Kîam îgûrû na makagaîrwa Roho Mûtheru.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”