Johana 3:8 - ÎVUKU RÎA ÛVORO MWARO

⁸ Rûkûngi rûvurutanaga rûthiîte wa kûrîa rûkwenda na mûndû nîwîgucaga mûrurumo waruo, nwatî ndamenyaga na kûrîa rumîte kana na kûrîa rûthiîte. Ûguo nwa ta guo gwîkîkaga kûrî mûndû wa wonthe ûciarîtwe nî Roho Mûtheru.”

Johana 3:8 ပူးပေါင်းရင်းမြစ်များ

Thaburi 107:25

Nîwathanire, na rûkûngi rûnene rûkîvurutana, rûgîtûma makûmbî ma manjî îriarî maûkîrîre.

Thaburi 107:29

Nîwatûmire rûkûngi rûrîa rwavurutanaga rûvorera, na makûmbî ma manjî îriarî magîkira.

Thaburi 135:7

Nîke ûtûmaga matu mambate kuuma mîthiia yonthe ya nthî, nîke ûtûmaga mveni ivenie rîrîa gûkura, na akaruta rûkûngi kuuma makûmbîrî make.

Mûvunjia 1:6

Rûkûngi rûvurutanaga rûthiîte mwena wa îveti, na rûkavurutana rûthiîte mwena wa rûgûrû. Rûvurutanaga rûthiîûrûrûkîte rûgacoka varîa rwambagîrîria.

Ezek 37:9

Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 3:7

Tiga kûmaka nîûndû nînakwîra atî nwa nginya ûciarwe rîngî.

Johana 3:9

Nake Nikodemu nîwamûririe atîrî, “Ûndû ûyû ûngîvoteka atîa?”

Ciîko 2:2

Wa rîmwe nîkwagîre mûgambo mûnene umîte îgûrû wagambaga ta rûvuvo rwavurutanaga na vinya, na ûgîcûra nyomba yonthe kûu meekarîte.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

1Akor 12:11

Wîra ûcio wonthe ûrutagwa nî Roho ûcio ûmwe. Kûringana na wendi wake, Roho nîavecanaga iveo ngûrani kûrî wa mûndû.

1Akor 2:11

Nû ûngîvota kûmenya meciria marîa mûndû wîngî arî namo? Roho ûrîa ûrî ndaarî ya mûndû nîke ûmenyaga meciria ma mûndû ûcio. Na njîra wata îo gûtirî mûndû wanamenya meciria ma Ngai tiga Roho wa Ngai.

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.