Johana 3:36 - ÎVUKU RÎA ÛVORO MWARO

³⁶ Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.

Johana 3:36 ပူးပေါင်းရင်းမြစ်များ

Ayubu 33:28

Nîavonoketie mwoyo wakwa kuuma kûrî gîkuû, na nîngûtûûra mwoyo.”

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 36:9

We nîwe ûvecanaga ûtûûro, na ûtheri waku nîguo ûtûmaga twone ûtheri.

Thaburi 49:19

akaathiî kûrîa methe make maathiîre makua, kûrîa matakoona ûtheri rîngî tene na tene.

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Ndari 32:11

‘Nama gûtirî wanarî mûndû ûmwe wa arîa maaumire Misiri ûrî na ûkûrû wa mîaka mîrongo îîrî kûthiî na îgûrû ûgaatonya vûrûri ûrîa nevîtire atî nîngaava Iburahimu, Isaka na Jakovu, nîûndû nîmaaregire kûmbathîkîra.’

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Maariko 16:16

Na mûndû wa wonthe ûgeetîkagia na avatithue nîakaavonoka. Nwatî mûndû wa wonthe ûtageetîkagia, nîagaatuîrwa Mûthenya wa Îtuîro.

Luka 2:30

Nîûndû metho makwa nîmonete ûvonokanio waku,

Luka 3:6

Nao andû onthe nîmakoona ûvonokio wa Ngai!’ ”

Johana 1:12

Nwatî andû onthe arîa maamwamûkîre na makîmwîtîkia, nîwametîkîrie gûtuîka ciana cia Ngai.

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 3:3

Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 4:36

Mûkethi wa maciaro mau nîararîvwa mûcara wake na araketha maciaro nîûndû wa mwoyo wa tene na tene. Kwoguo mûvandi na mûkethi nîmagaakena marî vamwe.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:58

Ûyû nîguo mûgate ûrîa wanyûrûrûkire kuuma îgûrû. Ndwîkariî ta mûgate ûrîa warîrwe nî methe menyu ma tene na vuvarî magîkua. Nwatî mûndû wa wonthe ûrîa ûrîcaga mûgate ûyû nîagaatûûra tene na tene.”

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Ciîko 14:2

Nwatî Ayahudi amwe arîa maaregete gwîtîkia nîmaaunjugire andû a ndûrîrî na makîmaringîrîra mamene etîkia.

Aroma 4:15

Watho ûretaga marakara ma Ngai, nwatî kûrîa gûtarî watho gûtirî ûvoro wa kûregana na Watho.

Aroma 5:9

Ethîrwa na njîra ya gîkuû Kîam Jesû nîtûtuîtwe athingu, na kinthî ke ndagaatûvonokia makîria kuuma kûrî marakara ma Ngai?

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Ath 5:9

Ngai ndaatûthuura nîguo atûverithie nîûndû wa kûmûrakaria, nwatî aatûthuurire nîguo tûgîe na ûvonokio na njîra ya Mwathani wetû Jesû Kristû.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 3:18

Rîrîa Ngai eeranîre na mwîvîtwa atîrî, “Matigaatonya vûrûrirî ûrîa nîngîkaamava ûvurûko” ke aaragia ûvoro wa û? Kinthî tî arîa maareganire nake?

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”