Johana 3:31 - ÎVUKU RÎA ÛVORO MWARO

³¹ Ûrîa ûkaga aumîte îgûrû nî mûnene gûkîra arîa engî onthe. Ke ûrîa umîte gûkû nthî nî wa gûkû nthî na aaragia ûvoro wîgiî maûndû ma gûkû nthî. Nwatî ûrîa ûkaga aumîte îgûrû nî mûnene gûkîra arîa engî onthe.

Johana 3:31 ပူးပေါင်းရင်းမြစ်များ

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Johana 1:15

Johana nîwavecanire ûira wa Kiugo na akîanîrîra akiuga atîrî, “Ûyû nîke ûrîa nie naaragia ûvoro wake vîndî îrîa naugire atî, ‘Ûrîa ûraûka vuva wakwa arî na vata kûngîra, nîûndû aarî kuo mbere ya njiarwe.’ ”

Johana 1:27

Ke nîagûka vuva wakwa na nie ndirî mwagîrîru wa kwovora ndigi cia iratû ciake.”

Johana 1:30

Ûyû nîke naamwîraga ûvoro ûmwîgiî rîrîa naaugire atîrî, ‘Varî na mûndû ûgûka vuva wakwa, nwatî ke arî na ûvoti kûngîra nîûndû ke aarî kuo wana mbere ya njiarwe?’

Johana 3:30

Ke nwa nginya aneneve nanie nwa nginya nyive.”

Johana 6:33

Ke ûrîa umîte îgûrû nîke mûgate ûrîa Ngai avecanaga, na nîke ûvecaga andû mwoyo.”

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

Johana 8:23

Nake Jesû nîwamacokerie atîrî, “Mue muumîte gûkû nthî, nwatî nie nyumîte îgûrû. Mue mûrî a gûkû nthî, nwatî nie ndirî wa gûkû nthî.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

Ahib 9:1

Kîrîkanîro Kîam mbere Kîamrî na mawatho megiî kûgooca Ngai na vandû vatumîtwe nî andû va kûgoocagîra gûkû nthî.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.

1Joh 4:5

Arathi acio a maveeni nî a gûkû nthî, kwoguo maragia maûndû ma gûkû nthî. Nao andû a gûkû nthî nîmamathikagîrîria.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”