Johana 3:3 - ÎVUKU RÎA ÛVORO MWARO

³ Jesû nîwamûcokerie atîrî, “Nîramwîra na ma atî: gûtirî mûndû ûngîona Ûthamaki wa Ngai atambîte gûciarwa rîngî.”

Johana 3:3 ပူးပေါင်းရင်းမြစ်များ

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Mathaayo 19:24

Wana rîngî nîramwîra atî nî ûndû mûvûthû ngamîîra gûtonyerera karimarî ga cindano, gûkîra gîtonga gûtonya Ûthamakirî wa Ngai.”

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Mathaayo 5:18

Nîramwîra na ma atî, îgûrû na nthî itarî nthiru gûtirî gacunjî wana kamwe ka Watho gakaathengutua. Gûtirî gacunjî wana kanini atîa gakaathengutua maûndû monthe marîa marî wathorî matarî mavingu.

Maariko 10:14

Rîrîa Jesû oonire ûguo nîwarakarire na akîîra arutwa ake atîrî, “Îtîkîriani twana tûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.

Maariko 9:47

Narîo riitho rîaku rîngîtûma wîvie, rîkûûre. Nîkava ûtonye ûthamakirî wa Ngai wîna riitho rîmwe gûkîra wîthîrwe na metho moîrî na wikue îcuarî,

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 1:5

Ûtheri nîûkengaga ndumarî, na nduma ndîanaûvoota.

Johana 1:51

Jesû nîwacokire akîmeera atîrî, “Nîramwîra ûvoro wa ma atî: nîmûkoona îgûrû rîkîvingûka nao araika a Ngai makiunûkia na makînyûrûrûka îgûrû rîa Mûrû wa Mûndû.”

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Johana 3:4

Nikodemu nîwaûririe Jesû atîrî, “Mûndû mûgima angîvota gûciarwa rîngî atîa? Nwa atonye îvurî rîa ng'ina nîguo aciarwe rîngî.”

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Agal 6:15

Kûrua kana kûrega kûrua tî ûndû ûrî na vata mûno. Ûndû ûrîa ûrî na vata nî kwîthîrwa ûrî kîûmbe gîcerû.

Aefeso 2:1

Mue mwarî akuû kîîroho nîûndû wa ûremi na mevia menyu.

Gûco 29:4

Nwatî nginya ûmûnthî Ngai-Mûnene nîwaregire mûtaûkîrwe nî maûndû marîa mwegwire na mûkîona.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.

1Joh 3:9

Gûtirî mwana wana ûmwe wa Ngai ûthiîcaga na mbere kwîvia nîûndû arî na Ûngai. Ke ndevagia nîûndû Ngai nîke Îthe.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Joh 5:18

Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.

1Joh 5:4

Nîûndû mûndû wa wonthe ûciarîtwe nî Ngai nîmûvootu nthî. Tûvootaga nthî na njîra ya wîtîkio.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.