Johana 3:29 - ÎVUKU RÎA ÛVORO MWARO

²⁹ Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Johana 3:29 ပူးပေါင်းရင်းမြစ်များ

Rwîmbo rwa Nyîmbo 3:11

Aka a Zayuni, ûkani mwone mûthamaki Solomoni. Ke ekîrîte nthûmbî îrîa ng'ina aamwîkîrire kîongorî gîake, mûthenya ûrîa aavikanagia, mûthenya ûrîa ecûrîtwe nî gîkeno.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 66:11

Nîûndû nîmûkoonga na mwîganie, mûkaarîa ûtonga warîo na mwîganie; mûkaanyua mûkenete na mûvae, kuumana na wîngî wa ikeno ciake.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Hosea 2:19

Nîngagûtua mûka wakwa tene na tene; ûtuîke wakwa na njîra ya ûthingu na kîvooto, na njîra ya wendo ûtathiraga na ntha.

Mathaayo 22:2

“Ûthamaki wa îgûrû wîkariî ta mûthamaki ûrîa wavarîrîrie kîrugo Kîam ûviki wa mûvîcî.

Mathaayo 25:1

“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania.

Mathaayo 9:15

Nake Jesû nîwamacokerie atîrî, “Mûreciria atî andû arîa metîtwe ûvikirî nwa megue kîeva vîndî îrîa marî vamwe na mûvikania? Ûguo gûtingîvotekeka. Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.

Luka 15:6

na akamîkuua amîcoketie na mûciî. Na akinya mûciî, nîwîtaga arata ake wa vamwe na andû arîa maatûûranîrîte nake na akameera atîrî, ‘Ûkani tûkenanîre nîûndû nîrîmwonu ng'ondu yakwa îrîa îraûrîte!’

Johana 15:11

“Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Johana 17:13

Rîu nie nîkwa mbûkîte kûrî we. Nîraria maûndû mama nîrî gûkû nthî nîguo arûmîrîri akwa magîe na gîkeno gîcûru ta kîrîa nîrî nakîo.

Johana 3:30

Ke nwa nginya aneneve nanie nwa nginya nyive.”

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Afil 2:2

Tûmagani gîkeno gîakwa kîganagîre. Îthagîrwani mûrî na meciria mamwe, wendani wa mûthemba ûmwe, na mwîthagîrwe mûrî kîndû kîmwe ngoro wana meciria.

1Joh 1:4

Tûramwandîkîra ûguo nîguo gîkeno gîetû gîtuîke gîcûru.

2Joh 1:12

Nîrî na maûndû meengî mûno ma kûmwîra, nwatî ndirenda gwîka ûguo na njîra ya karatathi na rangi. Vandû va ûguo nîmbîrîgîrîrîte gûka kûmwona na twaranîrie metho kwa metho nîguo gîkeno gîetû gîtuîke gîcûru.

Kûguû 21:9

Ûmwe wa araika arîa mûgwanja maarî na mbakûri ciecûrîte mathîna marîa mûgwanja ma mûthiia nîwaûkire kûrî nie. Nîwambarîrie akîmbîra atîrî, “Ûka tûthiî, nanie nîngûkwonia mûviki, mûndûmûka wa Gatûrûme.”