Johana 3:26 - ÎVUKU RÎA ÛVORO MWARO

²⁶ Kwoguo nîmaathiîre kûrî Johana na makîmwîra atîrî, “Mwarimû, nîûraririkana mûndû ûrîa mûrarî nake mûringo wa Rûnjî rwa Jorodani mwena wa îrathîro, na ûrîa waragia ûvoro ûmwîgiî? Rîu nîaravatithania na andû onthe nîmarathiî kûrî ke!”

Johana 3:26 ပူးပေါင်းရင်းမြစ်များ

Thaburi 65:2

Nîûndû we nîwîgucaga mavoya metû. Andû onthe nîmagaaûka kûrî we,

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Mathaayo 23:7

Nîmendaga gûkethua na gîtîîo thokorî na gwîtwa ‘arimû’ nî andû.

Mathaayo 23:8

Nwatî mue mûtiagîrîrwe nî gwîtwa ‘arimû,’ nîûndû mue muonthe mûrî ariû a îthe ûmwe na mûrî na mwarimû ûmwe tu.

Johana 1:15

Johana nîwavecanire ûira wa Kiugo na akîanîrîra akiuga atîrî, “Ûyû nîke ûrîa nie naaragia ûvoro wake vîndî îrîa naugire atî, ‘Ûrîa ûraûka vuva wakwa arî na vata kûngîra, nîûndû aarî kuo mbere ya njiarwe.’ ”

Johana 1:7

Ke aaûkire kûva andû ûira wa ûtheri nîguo andû onthe megue ndûmîrîri îo na mamîtîkie.

Johana 1:9

Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Johana 11:48

Wona twareka athiî na mbere gwîka maûndû mama, andû onthe nîmakûmwîtîkia. Nao Aroma nîmagûcoka maûke macûkangie hekarû yetû na rûrîrî rwetû!”

Johana 12:19

Nao Afarisai nîmaacokire makîrana atîrî, “Nîmûrona tûtiravota gwîka wanarî atîa! Taroriani! Andû onthe nîmaramûrûmîrîra!”

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 4:1

Jesû nîwamenyire atî Afarisai nîmeguîte atî ke nîwagîcaga na akavatithia arutwa eengî gûkîra Johana.

Johana 4:2

(Nî ma Jesû ke mwene ndaavatithia mûndû wana ûmwe, nî arutwa ake tu maavatithagia andû.)

Johana 4:31

Na kamwerua andû acio makinye, arutwa nîmaathaithaga Jesû etîkîre kûrîa irio makîmwîraga atîrî, “Mwarimû! Wenda tu rîa irio.”

Johana 5:33

Mue nîmwatûmire anjaama enyu kûrî Johana, na Johana akîaria ûma ûrîa ûmbîgiî.