Johana 3:20 - ÎVUKU RÎA ÛVORO MWARO

²⁰ Mûndû wa wonthe wîkaga ciîko cia waganu nîathûrîte ûtheri na ndarî vingo angîumîra ûtherirî, nîûndû ndangîenda ciîko ciake cia waganu cionekane.

Johana 3:20 ပူးပေါင်းရင်းမြစ်များ

2Sam 13:9

Nîwacokire akîmwîvûrîra, nwatî nîwaregire kûrîa. Amunoni nîwerire Tamarû atîrî, “Îngata andû onthe maume nja.” Nao andû onthe nîmaaumire nja.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

1Atha 3:20

Nîwacokire akîramûka ûtukû, agîoca kaana gakwa kuuma varîa twamamîte nako na akîthiî nako ûrîrîrî wake. Nîwacokire akîrete karîa gake karî gakuû ûrîrîrî wakwa nîrî toro.

Thaburi 50:17

Nîûregaga ngûtaare; ndwendaga kûrûmîrîra mawatho makwa.

Nthi 1:29

Nîûndû nîmwamenire ûmenyo na mûkîrega gwîtigîra Ngai-Mûnene,

Nthi 15:12

Andû arîa etîi matiendaga kûrutwa mavîtia; matiûragia ûtaaro kûrî andû arîa aûgî kûrî o.

Nthi 16:30

Mûndû ûrîa unaga metho, ethagîrwa akîvanga maûndû macûku, na mûndû ûrîa ûrûmithanagia mîromo nîekaga ûndû mûcûku.

Nthi 2:13

Andû acio nî mareganaga na mîthiîre mîkinyanîru na makarûmîrîra njîra cia nduma,

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Nthi 5:12

na uge atîrî, “Ûûi, na ûrîa nathûrîte gûkaanua, ndiendaga kûrûngwa!

Jeremia 9:6

Mavinyagîrîria andû na makamaveenia, na makarega kûmenya. Ûguo nîguo nie Ngai-Mûnene nîrauga.

Luka 11:45

Nake mwarimû ûmwe wa watho nîwerire Jesû atîrî, “Mwarimû, vîndî îrîa ûkuga ûguo, wa natue nî ûratûruma!”

Johana 3:21

Nwatî mûndû wa wonthe wîkaga ciîko cia ma nîwîyumagîria ûtherirî, nîguo ciîko irîa eekaga cionanagie atî nîwathîkagîra Ngai.”

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.