Johana 3:19 - ÎVUKU RÎA ÛVORO MWARO

¹⁹ Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku.

Johana 3:19 ပူးပေါင်းရင်းမြစ်များ

Nthi 2:13

Andû acio nî mareganaga na mîthiîre mîkinyanîru na makarûmîrîra njîra cia nduma,

Jeremia 9:6

Mavinyagîrîria andû na makamaveenia, na makarega kûmenya. Ûguo nîguo nie Ngai-Mûnene nîrauga.

Alawi 11:16

nyaga, kîvangariûki, ithumambûri,

Alawi 13:10

Mûthînjîri-Ngai nîakaamûroria. Ethîrwa mûndû ûcio arî na îtoo rîîrî rîcerû ngothirî yake na rîgatûma njuîrî icerûve na rîrî na mavira,

Zakaria 14:19

Rîu nîrîo îvera rîrîa rîkaaverithua andû a Misiri, na rîa kûverithia ndûrîrî cionthe irîa ikaarega kûthiî gûkûngûîra kîrugo gîa tûnyomba.

Luka 12:47

“Nayo ndungata îrîa îcî ûndû ûrîa mwathi wayo endaga îke, nwatî ndîvaragîria wana kana îîke ûndû ûcio, nîkaavewa îvera rîa kûrivwa mûno na kîvoko.

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 1:5

Ûtheri nîûkengaga ndumarî, na nduma ndîanaûvoota.

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 12:43

O meendete gûkumua nî andû makîria ya ûrîa meendete gûkumua nî Ngai.

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 5:44

Mue mûcaragia ngumo kuuma kûrî andû arîa engî, nwatî mûtigeragia kûgîa na ngumo kuuma kûrî ûrîa arîke Ngai.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 9:5

Îvinda rîrîa ngwîthîrwa nîrî gûkû nthî, nîmbîthîrwa nîrî ûtheri wa nthî.”

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 2:8

Andû engî nî eyendi na nîmaregaga kûrûmîrîra ûma nîguo mekage maûndû marîa macûku. Nga nîakaaverithia andû acio arî na marakara.

2Ath 2:12

Ngai eekire ûguo nîguo arîa onthe maregete gwîtîkia ûvoro wa ma na makenagîra gwîka mevia magaatuîrwa.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.

2Pet 3:3

Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria