Johana 21:18 - ÎVUKU RÎA ÛVORO MWARO

¹⁸ Nîrakwîra na ma atî vîndî îrîa warî mwîthî wevaragîria na ûkathiî wa kûrîa kuonthe wendaga, nwatî vîndî îrîa ûgaakûra ûgaatambûrûkia njara ciaku nake mûndû wîngî akwove na akûvire kûrîa ûtarenda kûthiî.”

Johana 21:18 ပူးပေါင်းရင်းမြစ်များ

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Johana 13:36

Simoni Petero nîwaûririe Jesû atîrî, “Mwathani, nîkwa ûrathiî kû?” Nake Jesû nîwamûcokerie atîrî, “Kûrîa nie nîrathiî ndûngînûmîrîra rîu, nwatî vuvarî ûkaanûmîrîra.”

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 21:19

(Jesû akiuga ûguo eendaga kwonania ûrîa Petero agaakua na agoocithie Ngai.) Nake Jesû nîwacokire akîmwîra atîrî, “Nûmîrîra!”

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

2Akor 5:4

Rîrîa tûrî îgemarî rîîrî rîa nthî, tûvevûkaga tûkîgua tûrî akinyîrîrie. Tî atî nîkwa tûkwenda gûtigana na mîîrî yetû ya gûkû nthî, nwatî tûrenda twîkîrwe mîîrî îrîa ya îgûrû. Na twekîrwa mîîrî îo, mîîrî îrîa îkucaga nî îkaagarûrwa îtuîke ya gûtûûra.