Johana 21:16 - ÎVUKU RÎA ÛVORO MWARO

¹⁶ Jesû nîwacokire akîmûria riita rîa kaîrî atîrî, “Simoni mûrû wa Johana, nîûmendete?” Nake Simoni nîwamûcokerie atîrî, “Îî Mwathani, we nîwîcî atî nîngwendete.” Nake Jesû nîwamwîrire atîrî, “Rîthagia ng'ondu ciakwa.”

Johana 21:16 ပူးပေါင်းရင်းမြစ်များ

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 95:7

Nîûndû nîke Ngai wetû, natue tûrî ndîthia yake; tûrî ng'ondu ciake irîa arîthagia. Naarî kethîrwa ûmûnthî nwa mwîgue mûgambo wake!

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Mathaayo 25:32

Nao andû a mavûrûri monthe nîmagacokanîrîrua vamwe vau mbere yake. Nake nîagaacoka amagaanie ikundi igîrî, wata ûrîa mûrîthi aamûranagia ng'ondu kuuma kûrî mbûri.

Mathaayo 26:72

Nake Petero nîwakaanire rîngî akiuga atîrî, “Nîraria ma na Ngai nî mûira atî nie ndiîcî mûndû ûcio!”

Luka 19:10

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Johana 18:17

Nake mwîrîtu ûcio warî mwîkaria wa mwîrîga nîwaûririe Petero atîrî, “Na kinthî wa nawe ndûrî ûmwe wa arutwa a mûndû ûcio?” Petero nîwamûcokerie atîrî, “Naarî, nie ndirî ûmwe wa arutwa ake!”

Johana 18:25

Rîrîa Petero aarûngamîte vau nja agîota mwaki, andû amwe arîa maarî vo nîmaamûririe atîrî, “Na kinthî wa nawe ndûrî ûmwe wa arutwa a mûndû ûûrîa?” Nwatî Petero nîwakaanire akiugaga atîrî, “Nie ndirî ûmwe wa arutwa ake.”

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

1Pet 2:25

Mwekariî ta ng'ondu ivîtîtie njîra, nwatî rîu nîmûcokererete Mûrîthi na Mûmenyereri wa mîoyo yenyu.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”