Johana 21:12 - ÎVUKU RÎA ÛVORO MWARO

¹² Jesû nîwamerire atîrî, “Ûkani mûtue mwathi.” Na gûtirî mûrutwa waûmîrîrie kûmûria, “We wî û?” nîûndû nîmaaicî nî Mwathani.

Johana 21:12 ပူးပေါင်းရင်းမြစ်များ

Mathaayo 22:46

Gûtirî mûndû wavotire gûcokeria Jesû wa naarî ûndû. Na Kuuma vîndî îo gûtirî mûndû wavotire kûmûria ciûria ciîngî.

Maariko 9:32

Nwatî arutwa matiataûkîrwa nî ûrîa aaugaga. Nao nîmeetigîre kûmûria.

Luka 9:45

Nwatî arutwa nao matiataûkîrwa nî ûrîa Jesû eendaga kuga. Ûndû ûcio warî mûthithe kuuma kûrî o nîguo matikaûmenye na nîmeetigagîra kûmûria ûrîa eendaga kuga.

Johana 16:19

Jesû nîwamenyaga atî arutwa nîmeendaga kûmûria ûvoro wîgiî ûndû ûcio. Kwoguo nîwamerire atîrî, “Angwa nîkwa mûraûrania ûrîa ngwendaga kuga rîrîa namwîra atî, ‘Vandû va kavinda kanini mûtigûcoka kûmona, nwatî vuva wa kavinda kanini mûkaamona?’

Johana 21:11

Nake Simoni Petero nîwatwîre îtarûrî na akiumîria neti amîgucîtie îcûrîte nthamaki nene. Nacio ciarî nthamaki îgana rîmwe rîa mîrongo îtano na ithatû. Nwatî wana ethîrwa nthamaki ciarî nyîngî ûguo, neti ndîatuîka.

Johana 21:15

Marîkia gûtua mwathi Jesû nîwaûririe Simoni Petero atîrî, “Simoni Mûrû wa Johana nîûmendete gûkîra aya engî?” Nake Simoni nîwamûcokerie atîrî, “Îî Mwathani, we nîwîcî atî nîngwendete.” Nake Jesû nîwamwîrire atîrî, “Rîthagia ng'ondu ciakwa.”

Johana 4:27

Na kavinda wa kau arutwa a Jesû nîmaacokire na makîmaka mûno methîrîria Jesû akîaria na mûndûmûka. Nwatî gûtirî mûrutwa wana ûmwe waûririe Jesû atîrî, “Nîndûî ûrenda kuuma kûrî ke,” kana amûrie atîrî, “Ûraria nake nîkî?”

Ciîko 10:41

Ke ndoonekana nî andû onthe, nwatî oonekanire tu nî aira arîa Ngai aarîkîtie kûthuura. Na rîu, tue nîtue aira arîa maarîcanîre na makînyunyanîra nake arîkia kûriûkua.