Johana 20:20 - ÎVUKU RÎA ÛVORO MWARO

²⁰ Nake arîkia kûmeera ûguo nîwamonirie njara na mbaru ciake. Nao arutwa nîmaakenire mûno rîrîa moonire Mwathani.

Johana 20:20 ပူးပေါင်းရင်းမြစ်များ

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Johana 16:22

Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Johana 19:34

Nwatî mûthigari ûmwe nîwamundire rûvaru rwa Jesû na îtumû na vakiuma nthakame na manjî.

Johana 20:25

Kwoguo arutwa acio engî nîmaamwîrire atîrî, “Tue tûrî onu Mwathani!” Nake Toma nîwamerire atîrî, “Nie ndingîtîkia ndonete irema cia mîcumarî njararî ciake na ngavutia irema icio na Kîamra gîakwa na njoke mvutie mbaru ciake.”

Johana 20:27

Nake nîwacokire akîra Toma atîrî, “Vutia irema ino na Kîamra gîaku, na ûrorie njara ciakwa. Ta vutia mbaru ciakwa. Thirwa nî nganja na wîtîkie!”

1Joh 1:1

Tûramwandîkîra ûvoro wîgiî kiugo Kîam mwoyo kîrîa gîtwîre kuo kuuma wa Kîammbîrîria. Kiugo gîkî nîtûkîîguîte, na ma nîtûkîroretie na tûgakîona na metho metû na tûgakînyita na njara cietû.