Johana 20:16 - ÎVUKU RÎA ÛVORO MWARO

¹⁶ Nake Jesû nîwamwîtire atîrî, “Mariamu!” Nake Mariamu nîwevûgûrire na kûrîa Jesû aarî na agîcokia na rûthiomi rwa Kîhibirania atîrî, “Raboni!” (Naguo nî kuga “Mwarimû.”)

Johana 20:16 ပူးပေါင်းရင်းမြစ်များ

Kîam 22:1

Vuva wa maûndû mau Ngai nîwageririe Iburahimu. Nîwamwîrire atîrî, “Iburahimu!” Nake Iburahimu nîwacokirie atîrî, “Îî nîrî ava!”

Kîam 22:11

Nwatî mûraika wa Ngai-Mûnene kuuma îgûrû nîwamwîtire akîmwîra atîrî, “Iburahimu, Iburahimu!” Nake nîwacokirie atîrî, “Îî nîrî ava.”

Kîam 45:12

Josefu nîwathiîre na mbere kûmera atîrî, “Rîu mue muonthe, wa nawe Benjamini, nîmwona na mwegua nama atî nînie Josefu.

Ntha 3:4

Rîrîa Ngai-Mûnene oonire Musa nîwakuvîvîria, arî gatagatî ga kîthaka nîwamwîtire atîrî, “Musa! Musa!” Musa nîwacokirie atîrî, “Îî nîrî ava.”

Ntha 33:17

Nake Ngai-Mûnene nîwerire Musa atîrî, “Ûguo wambûria nîguo ngwîka, nîûndû nîrî mûkenie nîwe na nîngwicî waro.”

Rwîmbo rwa Nyîmbo 3:4

Narîkia kûmatiga wa rîo, nînoonire mwendwa wakwa. Nînaamûkumbatîrie na ndingîamûrekererie, nginya rîrîa namûvirire nyombarî kwa nyanya, kanyombarî karîa naaciarîrwe.

Rwîmbo rwa Nyîmbo 5:2

Naamamîte, nwatî ngoro yakwa ndîarî toro. Nînegwire mwendwa akîringaringa mûrango. Mvingûrîra mûviki wakwa mwendwa wakwa, ndutuura yakwa we mwaro viû. Kîongo gîakwa kîrî na îme, na njuîrî ciakwa irî na rûthuthuû rwa ûtukû.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Mathaayo 14:27

Nake Jesû nîwamaarîrie wa rîmwe na akîmeera atîrî, “Nînie, tigani gwîtigîra, îyûmîrîrieni.”

Maariko 10:51

Nake Jesû nîwamûûririe atîrî, “Ûrenda ngwîkîre atîa?” Nake mûtumumu ûcio nîwamûcokerie atîrî, “Mwarimû! Nie nîrenda kwona!”

Luka 10:41

Nwatî Mwathani nîwamûcokerie atîrî, “Maritha! Maritha! We nîûramakua na ûkathînua nî maûndû meengî mûno,

Johana 1:38

Jesû evûgûra, nîwamoonire mamûrûmîrîrîte na akîmaûria atîrî, “Nîndûî mûracaria?” Nao nîmaamûririe atîrî, “Rabii, Wîkaraga kû?” (“Rabii” nî kuga, “Mwarimû.”)

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 10:3

Ûcio nîke ûvingûragîrwa nî mwîkaria wa kîvingo. Nake nîwîtaga ng'ondu ciake na marîîtwa na ciegua mûgambo wake agaitongoreria, ikauma nja.

Johana 11:28

Maritha aarîkia kuga ûguo nîwacokire akîthiî agîîta mwarwang'ina Mariamu na makîthiî vandû marî onga na akîmwîra atîrî, “Mwarimû nîwaûka na nîaragwîta.”

Johana 13:13

Mûmbîtaga Mwarimû na mûkambîta Mwathani. Rîrîa mûgwîka ûguo mwîthagîrwa mûkîaria ûvoro wa ma nîûndû nie nînie ke.

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 5:2

Nakuo kûu îtûûrarî rîa Jerusalemu vakuvî na Kîvingo Kîam Ng'ondu, kwarî na îria rînene rîa manjî rîatumîrîtwe ithaku ithano na rîetagwa Bethizatha na rûthiomi rwa Kîhibirania.

Johana 6:25

Rîrîa andû meethîrîrie Jesû mûringo ûcio wîngî wa îria, nîmaamûririe atîrî, “Mwarimû, nîkwa ûûkire gûkû rî?”

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

1Sam 3:10

Nake Ngai-Mûnene nîwaûkire na akîrûngama vakuvî na varîa Samueli aamamîte na agîtana wata ûrîa eetanaga mbererî, na akiuga atîrî, “Samueli! Samueli!” Nake Samueli agîcokia na akiuga atîrî, “Aria, nîûndû ndungata yaku nîîthikîrîrîtie.”

1Sam 3:6

Nake Ngai-Mûnene nîwetanire rîngî akiuga atîrî, “Samueli!” Nake Samueli nîwaûkîrire na akîthiî kûrî Eli na akîmwîra atîrî, “Nie nîrî ava, nîûndû nîwambîta.” Nwatî Eli nîwamûcokerie atîrî, “Nie ndirî mûgwîtu mûrîcîwa, thiî ûkamame rîngî.”