Johana 20:1 - ÎVUKU RÎA ÛVORO MWARO

¹ Jumaviri kîraûko macangîa kûrî na nduma, Mariamu Mûmagidali nîwathiîre mbîrîrarî. Na rîrîa oonire îthiga rîrîa rîaigîtwe mûromorî wa mbîrîra rîrî rîthengutie,

Johana 20:1 ပူးပေါင်းရင်းမြစ်များ

Mathaayo 27:56

Gatagatîrî kao kwarî na Mariamu Mûmagidali, Mariamu ng'ina wa Jakuvu na Josefu, na mûka wa Zebedii.

Mathaayo 27:60

na akîwiga mbîrîrarî yake îrîa aacîte îthigarî na îtaanaigwa mûndû. Nîwacokire akîvingiritia îthiga rînene akîvinga mbîrîra narîo akînathiî.

Mathaayo 27:64

Kwoguo, athana mbîrîra yake îrangîrwe nginya mûthenya wa kathatû nîguo arutwa ake kûthiî vo maîe mwîrî wake na vuva wa ûguo macoke meere andû atî Jesû nîmûriûku. Maveeni ta mau nwa methîrwe marî macûku mûno gûkîra marîa ma mbere.”

Mathaayo 27:66

Kwoguo nîmaathiîre na magîkîra îthiga rîrîa rîavingîte mbîrîra mûvûûri na magîcoka magîtiga athigari marangîrîte mbîrîra.

Mathaayo 28:1

Thavatû yathira, njumavili kîraûko tene, Mariamu Mûmagidali na Mariamu ûcio wîngî nîmaathiîre kûroria mbîrîra.

Mathaayo 28:2

Na wa rîmwe nîkwagîre na kîthingithia kînene. Nake Mûraika wa Mwathani nîwanyûrûrûkire kuuma îgûrû, akîvingiritia îthiga na akîrîkarîra.

Maariko 15:46

Nake Josefu nîwagûrire cuka, agîcurûria mwîrî ûcio, akîûrigica nayo, na akîwiga mbîrîrarî îrîa yacîtwe îthigarî. Nîwacokire akîvingiritia îthiga rînene nîguo rîkunîke mûromo wa mbîrîra îo.

Maariko 16:9

Rîrîa Jesû aariûkire Jumaviri kîraûko tene nîwambire kuumîrîra Mariamu Mûmagidali ûrîa aarutîte ngoma mûgwanja. Nao aka acio nîmaathiîre kûrî Petero na arata ake na makîmava na njîra nguvî ûvoro wonthe ûrîa meerîtwe.

Johana 11:38

Wa rîngî Jesû nîwathînîkire mûno ngororî yake, na akîthiî mbîrîrarî îrîa yarî ngurunga na yakunîkîtwe na îthiga.

Johana 11:41

Nao nîmaathengutirie îthiga vo. Jesû nîwacokire akîroria îgûrû na akiuga atîrî, “Vava nînagûcokeria ngatho nîûndû nîûnthikagîrîria.

Johana 19:25

Nao ng'ina wa Jesû, mwarwang'ina na ng'ina wa Jesû, Mariamu mûka wa Kileopa na Mariamu Mûmagidali, nîmaarûngamîte vakuvî na mûtharava wa Jesû.

Johana 20:26

Vuva wa kiumia kîmwe arutwa nîmaagomanîte vamwe rîngî ndaarî ya nyomba na Toma aarî vamwe nao. Mîrango yarî mîvinge, nwatî Jesû nîwamaumîrîre na akîmeera atîrî, “Gîani na thayû.”

Ciîko 20:7

Na Jumamosi kîvwaî, nîtwacemanîtie vamwe nîûndû wa ngwatanîro ya kwenyûrana mîgate. Nake Paûlo nîwarîrie andû nginya ûtukû gatagatî nîûndû nîwavangîte nîakuuma kûu mûthenya ûcio wîngî.

1Akor 16:2

Wa mûthenya wa Jumaviri, wa mûndû nwa nginya aigage mbeca kûringana na ûrîa athûkûmîte. Wa mûndû nîwagîrîrwe nî kwiga mûthithû nîguo gûtikethîrwe kûrî na vata wa kûngania mbeca rîrîa ngaaûka.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.