Johana 2:25 - ÎVUKU RÎA ÛVORO MWARO

²⁵ Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Johana 2:25 ပူးပေါင်းရင်းမြစ်များ

1Atha 8:39

nakûthaitha ûkaathikîrîria mavoya mao ûrî kûu ûtûûraga îgûrû, ûkaamovera na ûmatethie. Na nîûndû we wenga nîwe wîcî ngoro ya mûndû, îka wa mûndû kûringana na ûrîa ûkoona kwagîrîrîte,

Isaia 11:3

Nîagaakenagua nî kwathîkîra Ngai-Mûnene. Ndagaatucanagîra kûringana na ûrîa metho make monaga, kana atue ûndû kûringana na ûrîa matû make megucaga.

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Johana 1:42

Enderea nîwacokire akîvira Simoni kûrî Jesû. Nake Jesû nîwamûroririe na akîmwîra atîrî, “We nîwe Simoni, mûvîcî wa Johana nwatî kuuma rîu ûgeetagwa Kefa.” (Rîîtwa rîîrî na Kîngiriki nî Petero, na nî ûndû ûmwe na kuga “Îthiga.”)

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Johana 13:11

(Jesû nîwaicî ûrîa wendaga kûmûcukanîrîra. Na kîu nîkîo gîatûmire auge atî, “Mûrî atheru, nwatî ûmwe gatagatîrî kenyu tî mûtheru.”)

Johana 6:61

Wana atarî mwîre nî mûndû Jesû nîwaicî atî arûmîrîri ake nîmaanugunaga. Kwoguo nîwamaûririe atîrî, “Maûndû mama nîmo maratûma mwende gûtiganîria wîtîkio wenyu?

Johana 6:64

Nwatî kûrî na amwe gatagatîrî kenyu mataretîkia.” (Na kuuma mûthenya ûrîa Jesû aambîrîrie kûthomithania, nîwaicî andû arîa matetîkîtie na akamenya mûndû ûrîa ûkaamûcukanîrîra.)

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”