Johana 2:2 - ÎVUKU RÎA ÛVORO MWARO

² Wana Jesû na arutwa ake maarî eete ûvikirî ûcio.

Johana 2:2 ပူးပေါင်းရင်းမြစ်များ

Mathaayo 12:19

Ndîgaakararania na andû kana îthiî îkiugagîrîria, wana kana îvecane ûvoro njîrarî yugîrîrîtie.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Johana 2:12

Vuva wa ûguo Jesû nîwathiîre Kaperinaumu marî na ng'ina na arîa maaciaranîrîtue nake, wa vamwe na arutwa ake. Nao nîmeekarire kuo mîthenya mînini.

Johana 2:17

Nao arutwa ake nîmaaririkanire atî Mandîko Matheru nîmaugîte atîrî, “Kîîo kîrîa nîrî nakîo nîûndû wa nyomba yaku nîkîo gîkaandîa.”

Johana 2:22

Vîndî îrîa Jesû aariûkirue, arutwa ake nîmaaririkanire atî ke nîwaugîte ûguo. Kwoguo nîmeetîkirie Mandîko Matheru na ûrîa Jesû aameerîte.

Johana 2:3

Na vîndî îrîa ndivei yathirire, Jesû nîwerirwe nî ng'ina atîrî, “Matirî na ndivei îngî.”

Johana 3:22

Vuva wa ûguo Jesû na arutwa ake nîmaathiîre gîcunjîrî Kîam Judea na agîkarania nao kuo akîvatithanagia.

Johana 4:2

(Nî ma Jesû ke mwene ndaavatithia mûndû wana ûmwe, nî arutwa ake tu maavatithagia andû.)

Johana 4:33

Kwoguo arutwa nîmaambîrîrie kûrania atîrî, “Nwa ethîrwe kûrî na mûndû ûmûreteere irio?”

Johana 4:8

(Ûndû ûyû wekîkire vîndî îrîa arutwa ake mataarî vo nîûndû maarî athiîu îtûûrarî kûgûra irio.)

Johana 6:12

Rîrîa andû onthe maarîre na makîvaa, Jesû nîwerire arutwa ake atîrî, “Ûnganiani cienywa irîa ciatigara nîguo tûtigate wanarî kîndû.”

Johana 6:16

Kîvwaî Kîam mûthenya wa ûcio, arutwa a Jesû nîmaanyûrûrûkire makîthiî îriarî,

Johana 6:60

Nao arûmîrîri eengî a Jesû nîmegwire maûndû mau na makiuga atîrî, “Kîthomo gîkî nî kîûmû mûno. Nû ûngîgîtîkîra?”

Johana 6:66

Na kuuma vîndî îo arûmîrîri eengî a Jesû nîmaamûtigire na matiacoka kûmûrûmîrîra rîngî.

Johana 6:67

Kwoguo Jesû nîwaûririe arutwa ake îkûmi na aîrî atîrî, “Mue namue nîmûrenda kûthiî?”

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Johana 6:71

Jesû aaragia ûvoro wîgiî Judasi mûvîcî wa Simoni Mûsikariota, nîûndû wana ethîrwa Judasi aarî ûmwe wa arutwa arîa îkûmi na aîrî, ke nîke warî acukanîrîre Jesû.

Johana 6:8

Na mûrutwa wake wîngî wetagwa Enderea mûrwang'ina na Simoni Petero nîwerire Jesû atîrî,

Johana 7:3

Kwoguo arîa maaciaranîrîtue na Jesû nîmaamwîrire atîrî, “Uma gûkû na ûthiî Judea nîguo arûmîrîri aku makoone maûndû marîa ûreka.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 11:29

Nao arutwa nîmaatwire marute mbeca kûringana na ûvoti wa mûndû wa mûndû nîguo matethie etîkia arîa maatûûraga Judea.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

1Akor 7:39

Mûndûmûka ûrîa mûviku ethagîrwa ovanîtue na mûthuuriwe vîndî yonthe îrîa mûthuuriwe arî mwoyo. Nwatî mûthuuriwe angîkua, nîwîtîkîrîtue kûvikua nî mûndûmûrûme wîngî wa wonthe ûrîa angîenda, nwatî mûndû ûcio nwa nginya ethîrwe arî Mûkristiano.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.