Johana 2:18 - ÎVUKU RÎA ÛVORO MWARO

¹⁸ Kwoguo atongoria a Ayahudi nîmaacokire makîûria Jesû atîrî, “Nî Kîamma kîrîkû ûngîtûringîra gîa gûtwonia atî nîwagîrîrwe nî gwîka maûndû mama?”

Johana 2:18 ပူးပေါင်းရင်းမြစ်များ

1Atha 13:3

Vîndî wa îo Mûndû ûcio wa Ngai nwa waugire atîrî, “Metha îno ya kîgongoona nîîkomomorwa, naguo mûu ûyû ûrî îgûrû rîayo ûnyague. Gîkî nîkîo kîmenyithia gîa kwonania atî nî Ngai-Mûnene warîtie.”

Ntha 7:9

“Ethîrwa mûthamaki nwa ende mwîmenyithanie kûrî ke na njîra ya kûringa Kîamma, thiî ûkera Aroni oce mûragi wake na awikie vau nthî mbere ya mûthamaki. Mûragi ûcio nîûgaatuîka njoka.”

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Maariko 8:11

Afarisai amwe arîa meendaga kûgeria Jesû nîmaathiîre kûrî ke na makîambîrîria gûkararania nake makîmûûragia amaringîre Kîamma gîa kûmoonia atî ûvoti wake umîte îgûrû.

Luka 11:29

Vîndî îrîa andû maambîrîrie kwîngîva, Jesû nîwamerire atîrî, “Na kaî andû a rûciaro rûrû nî aganu-î! Atî marauga maringîrwe Kîamma. Kîama kîrîa mangîringîrwa nî kîrîa Kîam Jona tu.

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Johana 1:25

nîmaacokire makîûria Johana atîrî, “Angîthîrwa we tîwe Mesaya, kana Elija, kana Mûrathi, ûvatithanagia nîkî?”

Johana 6:30

Kwoguo andû nîmaamûririe atîrî, “Nî Kîamma kîrîkû ûgûtûringîra nîguo twakîona tûgwîtîkie? We nîwîka atîa?

Ciîko 4:7

Nao nîmaarûngamirie Petero na Johana mbere yao na makîmaûria atîrî, “Mûrekire ûguo na vinya ûrîkû kana na rîîtwa rîa û?”

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”