Johana 2:16 - ÎVUKU RÎA ÛVORO MWARO

¹⁶ Nake nîwacokire akîra andû arîa meendagia ndutuura atîrî, “Thengutiani ndutuura ino ava! Tigani gûtûmîra nyomba ya Vava ta thoko!”

Johana 2:16 ပူးပေါင်းရင်းမြစ်များ

Jeremia 7:11

Nîkwa hekarû îno îtanîtue na rîîtwa rîakwa, îrî ngurunga ya acunani? Menyani atî nîmenyete ciîko cienyu cionthe.

Mathaayo 21:12

Nake Jesû nîwatonyire hekarûrî na akîrutûrûra arîa onthe meendagia wa vamwe na arîa onthe maagûraga. Ke nîwang'aûranirie metha cia arîa maakûrananagia mbeca, na itî cia arîa meendagia ndutuura.

Mathaayo 21:13

Nake nîwamerire atîrî, “Ngai augîte Mandîkorî make matheru atîrî, ‘Nyomba yakwa îgeetagwa nyomba ya kûvoyagîrwa.’ Nwatî mue mûmîtuîte ngurunga ya acunani!”

Mathaayo 22:5

Nwatî andû acio meetîrîtwe îruga nîmaarîvûthirie na makîthiî wa mûndû maûndûrî make. Ûmwe athiîre mûgûndarî wake, na ûcio wîngî akîthiî wîrarî wake wa kwendia.

Maariko 11:17

Nîwacokire akîthomithia andû atîrî, “Ngai augîte mandîkorî atî, ‘hekarû yakwa îgetagwa nyomba ya kûvoyagîrwa nî andû a ndûrîrî cionthe.’ Nwatî mue mûmîtuîte ngurunga ya acunani.”

Luka 2:49

Nake Jesû nîwamacokerie atîrî, “Nîndûî kîratûmîte mûnjarie? Nîkwa mûtarecî atî nie nîmbagîrîrwe nî kwîthîrwa nîrî nyombarî ya vava?”

Johana 10:29

Vava nîke wamvere ng'ondu icio. Ke nî mûnene gûkîra andû onthe na gûtirî mûndû ûngîiruta njararî cia Vava.

Johana 2:15

Rîrîa oonire ûguo, nîwathondekire mûcarica wa ndigi, akîrutûrûra ng'ondu na ng'ombe kuuma kûu hekarûrî, akîng'aûrania metha cia andû arîa maacenjagîria andû arîa engî mbeca, na akînyagarûkania mbeca ciao.

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Johana 5:17

Nwatî Jesû nîwerire Ayahudi atîrî, “Vava nîarutaga wîra vîndî cionthe na wa nanie nwa nginya ndute wîra.”

Johana 8:49

Nake Jesû nîwamacokerie atîrî, “Nie ndirî na ngoma. Nie nîmvecaga Vava gîtîîo, nwatî mue mûtimvecaga gîtîîo.

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!