Johana 2:15 - ÎVUKU RÎA ÛVORO MWARO

¹⁵ Rîrîa oonire ûguo, nîwathondekire mûcarica wa ndigi, akîrutûrûra ng'ondu na ng'ombe kuuma kûu hekarûrî, akîng'aûrania metha cia andû arîa maacenjagîria andû arîa engî mbeca, na akînyagarûkania mbeca ciao.

Johana 2:15 ပူးပေါင်းရင်းမြစ်များ

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Mathaayo 21:12

Nake Jesû nîwatonyire hekarûrî na akîrutûrûra arîa onthe meendagia wa vamwe na arîa onthe maagûraga. Ke nîwang'aûranirie metha cia arîa maakûrananagia mbeca, na itî cia arîa meendagia ndutuura.

Johana 18:6

Rîrîa Jesû aameerire atî, “Nînie ke,” nîmaacokire na vuva na makîgwa nthî.

Johana 2:14

Na kûu hekarûrî, nîwethîrîrie andû makîendagia ng'ombe, ng'ondu, na ndutuura, na engî mekarîte metharî ciao magîcenjagîria andû mbeca.

Johana 2:16

Nake nîwacokire akîra andû arîa meendagia ndutuura atîrî, “Thengutiani ndutuura ino ava! Tigani gûtûmîra nyomba ya Vava ta thoko!”

Ciîko 27:32

Kwoguo athigari acio nîmaarengire mîkanda îrîa yanyitîrîrîte gatarû na magîkarekereria gakîvarûka manjîrî.

2Akor 10:4

Indo cia mbaara irîa tûtûmagîra mbaararî yetû tî cia gûkû nthî, nwatî nî vinya wa Ngai. Vinya ûcio nîguo tûtûmagîra gûcûkangia vinya wa nthû cietû na kûthiria ngarari.