Johana 19:9 - ÎVUKU RÎA ÛVORO MWARO

⁹ Nîwacokire agîtonya rîngî kûu nyomba na akîûria Jesû atîrî, “We wî wa kuuma kû?” Nwatî Jesû ndaamûcokeria.

Johana 19:9 ပူးပေါင်းရင်းမြစ်များ

Isaia 53:7

“Nîwavinyîrîrue na akîthînua, nwatî ndaauga wanarî ûndû. Aakirire ta ng'ondu îvirîtwe kûthînjwa, na aakirire wata ûrîa ng'ondu îkiraga vîndî îrîa guoya wayo ûrenjwa, ndaatumûra kanyua gake.

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 27:27

Nao athigari a Pilato nîmaacokire makîvira Jesû mûciî kwa mûnene wa Roma. Nayo mbûtû yonthe ya athigari nîyamûrigicîrie.

Luka 23:9

Kwoguo Pilato nîwaûririe Jesû ciûria nyîngî, nwatî Jesû ndaamûcokeria.

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.

Johana 18:33

Nake Pilato nîwacokire nyomba, agîîta Jesû na akîmûria atîrî, “We nîwe Mûthamaki wa Ayahudi?”

Johana 18:34

Nake Jesû nîwamûcokerie atîrî, “We nîwe weciiria ûmbûrie kîûria kîu, kana nî andû engî makwîrîte ûvoro ûmbîgiî?”

Johana 18:37

Pilato nîwamûririe atîrî, “Anga we ûrî mûthamaki?” Nake Jesû nîwamûcokerie atîrî, “We nîwe wauga atî nie nîrî mûthamaki. Nie naaciarirwe na ngîûka gûkû nthî nîûndû wa gîtûmi gîkî kîmwe, kwaria ûvoro wa ma. Na mûndû wa wonthe wîthagîrwa akîaria ûma nîambathîkagîra.”

Johana 19:10

Nake Pilato nîwacokire akîmûria atîrî, “Wana nginya ndûrenda kûmbarîria? Nîkwa ûtaicî atî nîrî na ûvoti wa gûkwovera wana wa gûkwambithia mûtharavarî?”

Johana 19:8

Rîrîa Pilato eegwire ûguo, nîwetigîre mûno makîria.

Johana 8:14

Nake Jesû nîwamacokerie atîrî, “Wana ethîrwa nîravecana ûira wakwa, ûira ûrîa nîramûva nî wa ma nîûndû nie nîmbîcî kûrîa naaumire na kûrîa nthiîte. Mue mûtiîcî kûrîa naaumire wana kana kûrîa nthiîte.

Afil 1:28

Mûtigetigîre nthû cienyu. Îthagîrwani mûrî na ûmîrîru vingo cionthe. Mweka ûguo nîmûkwonia nthû cienyu atî itikaavootana, nwatî nîmûkaavootana nîûndû Ngai nîke ûtûmaga mûvootane.

Atir 13:6

Nake mûndûmûka ûcio nîwathiîre na akîra mûthuuriwe atîrî, “Mûndû wa Ngai nîwaûka kûrî nie. Nîonekaga arî wa kûgegania ta mûraika wa Ngai. Nie ndinamûûria kûrîa araumîte na ndanambîra rîîtwa rîake.