Johana 19:6 - ÎVUKU RÎA ÛVORO MWARO

⁶ Rîrîa anene a athînjîri-Ngai na arangîri a hekarû maamwonire, nîmaambîrîrie kugîrîria atîrî, “Mwambithie mûtharavarî! Mwambithie mûtharavarî!” Nake Pilato nîwamerire atîrî, “Mwoceni na mûthiî mûkamwambe mûtharavarî arî mue nîûndû nie ndirona îvîtia rîrîa mûndû ûyû ekîte.”

Johana 19:6 ပူးပေါင်းရင်းမြစ်များ

Mathaayo 26:58

Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara.

Mathaayo 27:22

Pilato nîwamaûririe atîrî, “Mûrenda mbîke atîa vi na Jesû ûrîa wîtagwa Mesaya?” Nao nîmaamûcokerie atîrî, “Mwambe mûtharavarî îgûrû!”

Mathaayo 27:24

Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”

Luka 23:4

Pilato nîwacokire akîîra anene a athînjîri-Ngai wa vamwe na kîrîndî atîrî, “Nie ndirona ûndû wana ûmwe mûcûku nîngîthitanga mûndû ûyû naguo.”

Johana 18:3

Kwoguo Judasi nîwathiîre mûgûndarî ûcio arî na gîkundi Kîam athigari a Roma wa vamwe na arangîri a hekarû matûmîtwe nî anene a athînjîri-Ngai wa vamwe na Afarisai. Maathiîre kuo makuuîte indo cia mbaara, taa na imûrî.

Johana 18:31

Nake Pilato nîwamerire atîrî, “Kwoguo vi mwoceni mûkamûcirithie kûringana na watho wenyu.” Nao nîmaamûcokerie atîrî, “Tue tûtiîtîkîrîtue kûûraga mûndû.”

Johana 18:38

Nake Pilato nîwamûririe atîrî, “Ûvoro wa ma nî ûrîkû?” Nake Pilato aarîkia kuga ûguo nîwaumire nja wa rîngî na akîra Ayahudi atîrî, “Nie ndirona îvîtia rîrîa mûndû ûyû ekîte.

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Johana 19:4

Nake Pilato nîwaumire nja rîngî na akîra Ayahudi atîrî, “Tathikîrîriani, nie nauga aindwe ava nja nîguo mûmenye atî nie ndirona îvîtia rîrîa mûndû ûyû ekîte.”

Ciîko 2:23

Kûringana na mûvango wake ke mwene, Ngai nîwatuîte atî Jesû nîakanenganîrwa kûrî mue. Namue nîmwamûragire na njîra ya gwîtîkîria evia mamwambe mûtharavarî îgûrû.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.