Johana 19:5 - ÎVUKU RÎA ÛVORO MWARO

⁵ Kwoguo Jesû nîwaumire nja ekîrîte nthûmbî ya mîgua na kanjû ya rangi wa njambarawe. Nake Pilato nîwamerire atîrî, “Taroriani! Mûndû nîke ûyû!”

Johana 19:5 ပူးပေါင်းရင်းမြစ်များ

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Maca 1:12

“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.

Mathaayo 27:29

Nao nîmaamûthondekere nthûmbî ya mîgua, makîmwîkîra kîongorî gîake na makîmûnyitithia karûthanju na njara yake ya ûrîo. Nîmaacokire magîturia maru mbere yake na makîmûnyûrûria makiugaga atîrî, “Wî mwaro Mûthamaki wa Ayahudi!”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 19:2

Nao athigari nîmaatumire nthûmbî ya mîgua na makîmwîkîra yo kîongo. Nîmaacokire makîmwîkîra kanjû ya rangi ya njambarawe,

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.