Johana 19:4 - ÎVUKU RÎA ÛVORO MWARO

⁴ Nake Pilato nîwaumire nja rîngî na akîra Ayahudi atîrî, “Tathikîrîriani, nie nauga aindwe ava nja nîguo mûmenye atî nie ndirona îvîtia rîrîa mûndû ûyû ekîte.”

Johana 19:4 ပူးပေါင်းရင်းမြစ်များ

Mathaayo 27:19

Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”

Mathaayo 27:24

Rîrîa Pilato oonire atî gûtirî ûndû angîka na akîona atî andû mavota kûgoma, nîwocire manjî, akîîthambia njara arî mbere ya kîrîndî na akîmeera atîrî, “Nie ndikaûrua nthakame ya mûndû ûyû. Ûyû nî wîra wenyu!”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Luka 23:4

Pilato nîwacokire akîîra anene a athînjîri-Ngai wa vamwe na kîrîndî atîrî, “Nie ndirona ûndû wana ûmwe mûcûku nîngîthitanga mûndû ûyû naguo.”

Luka 23:41

Tue tûtuîrîrîtwe îvera rîringanîte na ciîko irîa twîkîte. Nwatî mûndû ûyû tî mwîku ûndû wana ûmwe mûcûku.”

Luka 23:47

Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”

Johana 18:33

Nake Pilato nîwacokire nyomba, agîîta Jesû na akîmûria atîrî, “We nîwe Mûthamaki wa Ayahudi?”

Johana 18:38

Nake Pilato nîwamûririe atîrî, “Ûvoro wa ma nî ûrîkû?” Nake Pilato aarîkia kuga ûguo nîwaumire nja wa rîngî na akîra Ayahudi atîrî, “Nie ndirona îvîtia rîrîa mûndû ûyû ekîte.

Johana 19:6

Rîrîa anene a athînjîri-Ngai na arangîri a hekarû maamwonire, nîmaambîrîrie kugîrîria atîrî, “Mwambithie mûtharavarî! Mwambithie mûtharavarî!” Nake Pilato nîwamerire atîrî, “Mwoceni na mûthiî mûkamwambe mûtharavarî arî mue nîûndû nie ndirona îvîtia rîrîa mûndû ûyû ekîte.”

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.

1Pet 2:22

Ke gûtirî wîvia eekire na ndaanaria maveeni.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.