Johana 19:10 - ÎVUKU RÎA ÛVORO MWARO

¹⁰ Nake Pilato nîwacokire akîmûria atîrî, “Wana nginya ndûrenda kûmbarîria? Nîkwa ûtaicî atî nîrî na ûvoti wa gûkwovera wana wa gûkwambithia mûtharavarî?”

Johana 19:10 ပူးပေါင်းရင်းမြစ်များ

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Johana 18:39

Nwatî kûringana na mûtugo wenyu nî atî wa vîndî ya pasaka nîmwovoragîre mûndû ûmwe gatagatîrî ka arîa mavingîrîtwe njeera. Nîmûrenda nîmwovorere Mûthamaki wa Ayahudi?”

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Johana 19:9

Nîwacokire agîtonya rîngî kûu nyomba na akîûria Jesû atîrî, “We wî wa kuuma kû?” Nwatî Jesû ndaamûcokeria.