Johana 18:13 - ÎVUKU RÎA ÛVORO MWARO

¹³ Nîmaamwovire na makîmûvira kûrî Anasi ûrîa warî mûthoniwe wa Kaiafa na warî Mûthînjîri-Ngai mûnene mwakarî ûcio.

Johana 18:13 ပူးပေါင်းရင်းမြစ်များ

Mathaayo 26:3

Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa,

Mathaayo 26:57

Nao andû arîa maanyitire Jesû nîmaamûvirire mûciî kwa Mûthînjîri-Ngai mûnene ûrîa wetagwa Kaiafa. Nao athuuri, wa vamwe na arimû a Watho nîmaagomanîte kuo.

Luka 3:2

Nao Anasi na Kaiafa nîo maarî anene a athînjîri-Ngai. Vîndî îo, ndûmîrîri ya Ngai nîyakinyîre Johana mûvîcî wa Zakaria arî werûrî.

Johana 11:49

Nwatî mûndû ûmwe wa arîa maarî vo wetagwa Kaiafa na warî Mûthînjîri-Ngai ûrîa mûnene mwakarî ûcio, nîwamerire atîrî, “Na kaî mûrî aritu-î!

Johana 11:51

Kaiafa akiuga ûguo tîke weîrîte. Nwatî arî ta Mûthînjîri-Ngai ûrîa mûnene mwakarî ûcio, nîwarathire atî Jesû aarî akuîre rûrîrî rwa Ayahudi,

Johana 18:24

Nake Anasi nîwacokire akîvecana Jesû arî mwove nîguo avirwe kûrî Kaiafa, Mûthînjîri-Ngai mûnene.

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Ciîko 4:6

Maagomanire vamwe na Anasi mûthînjîri-Ngai ûrîa mûnene, Kaiafa, Johana, Alekisanda na andû onthe a mûciî wa Mûthînjîri-Ngai ûcio mûnene.