Johana 18:12 - ÎVUKU RÎA ÛVORO MWARO

¹² Kwoguo athigari a Roma marî vamwe na mûnene wao na atongoria a Ayahudi nîmaanyitire Jesû.

Johana 18:12 ပူးပေါင်းရင်းမြစ်များ

Kîam 22:9

Rîrîa maakinyire varîa Ngai aameerîte, Iburahimu nîwarûthire metha ya kîgongoona. Nîwacokire akîara ngû waro, akîovania mûvîcî Isaka, na akîmwigîrîra îgûrû rîa ngû metharî ya kîgongoona.

Kîam 40:3

Kwoguo nîwamaikirie njeera îrîa yarî nyomba kwa mûnene wa arangîri, kûrîa Josefu wanake aarî.

Thaburi 118:27

Ngai-Mûnene nî Ngai; nîatûvete ûtheri wake. Nyitani mathîgî na njara mûthiî kîrugorî mûrûmanîrîrîte, mûthiûrûrûke metha ya kîgongoona!

Mathaayo 26:57

Nao andû arîa maanyitire Jesû nîmaamûvirire mûciî kwa Mûthînjîri-Ngai mûnene ûrîa wetagwa Kaiafa. Nao athuuri, wa vamwe na arimû a Watho nîmaagomanîte kuo.

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Mathaayo 27:27

Nao athigari a Pilato nîmaacokire makîvira Jesû mûciî kwa mûnene wa Roma. Nayo mbûtû yonthe ya athigari nîyamûrigicîrie.

Maariko 14:53

Andû arîa maamûnyitire nîmaamûvirire mûciî kwa Mûthînjîri-Ngai ûrîa mûnene. Nao anene a athînjîri-Ngai onthe, athuuri, wa vamwe na arimû a watho nîmaagomanîte kuo.

Maariko 15:1

Kîraûko tene anene a athînjîri-Ngai nîmaagîre ndundu na athuuri, arimû a Watho, Kîamma kîonthe na makîrîkanîra ûrîa magwîka. Nao nîmoovire Jesû na makîmûvira kûrî Pilato.

Luka 22:54

Nao nîmaanyitire Jesû na makîmûvira mûciî kwa Mûthînjîri-Ngai ûrîa mûnene. Nake Petero nîwamaumire vuva arî varaca.

Johana 18:3

Kwoguo Judasi nîwathiîre mûgûndarî ûcio arî na gîkundi Kîam athigari a Roma wa vamwe na arangîri a hekarû matûmîtwe nî anene a athînjîri-Ngai wa vamwe na Afarisai. Maathiîre kuo makuuîte indo cia mbaara, taa na imûrî.

Ciîko 10:1

Nakuo Kaisarea kwarî na mûndû ûmwe wetagwa Korinelio, warî mûnene wa athigari magana matandatû a mbûtû ya Roma îrîa yetagwa “Mbûtû ya Italia.”

Ciîko 21:31

Na rîrîa andû acio maageragia kûûraga Paûlo, mûnene ûmwe wa mbûtû ya athigari magana matandatû a Roma, nîwamenyithirue atî kûu Jerusalemu kuonthe kwarî na gacagaca.

Ciîko 21:37

Rîrîa athigari maageririe gûtonyia Paûlo kûu athigari maambîte magema, Paûlo nîwaûririe mûnene wa mbûtû ya athigari atîrî, “We nîûkûmbîtîkîria ngwîre ûndû?” Nake mûnene ûcio wa mbûtû ya athigari nîwamwîrire atîrî, “Kinthî we nîwîcî Kîngiriki?

Ciîko 23:10

Nacio ngarari nîciengîvire mûno nginya mûnene wa mbûtû ya athigari akîambîrîria kwîgua guoya akîona takwa Paûlo agûtembûranganua tûcunjî nî Ayahudi. Kwoguo mûnene ûcio wa mbûtû ya athigari nîwathire athigari ake akîmeera manyûrûrûke mathiî varîa Paûlo aarî, mamûrute vo na vinya na mamûvire kûrîa athigari maambîte magema.

Atir 16:21

Afilisiti nîmaamûnyitire na makîmûkûûra metho. Nîmaamûvirire Gaza, makîmûthaîka na nyororo cia gîcango na akîvewa wîra wa kûthîaga na kîthîi arî njeera.