Johana 17:25 - ÎVUKU RÎA ÛVORO MWARO

²⁵ Vava Mûthingu! Andû a gûkû nthî matigwîcî, nwatî nie nîngwîcî na nginya acio wamvere nîmaicî atî we nîwe wandûmire.

Johana 17:25 ပူးပေါင်းရင်းမြစ်များ

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 10:15

wata ûrîa Vava ambîcî, nanie ngamenya Vava. Nînaruta mwoyo wakwa nîûndû wa cio.

Johana 15:21

Nwatî nîmakaamwîka maûndû mama monthe nîûndû wakwa na nîûndû matiîcî ûrîa wandûmire.

Johana 16:27

Vava ke mwene nîamwendete. Amwendete nîûndû nîmûmendete na nîmwîtîkîtie atî naumire kûrî Ngai.

Johana 16:3

Andû nîmakaamwîka maûndû mama nîûndû matiîcî Vava na matimbicî.

Johana 16:30

Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”

Johana 17:11

Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Johana 17:18

Wa ta ûrîa wandûmire gûkû nthî, wa nanie nîguo namatûma.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 17:23

Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 6:19

Na vîndî îrîa arutwa maathiîte rûgendo rwa kilomita ta ithano kana ithathatû marî îtarûrî, nîmoonire Jesû athiîrîrîte manjîrî îgûrû na erekerete na kûrîa maarî. Nao nîmaamakire mûno.

Johana 7:29

nwatî nînîmwîcî, nîûndû nie naaumire kûrî ke na nîke wandûmire.”

Johana 8:19

Nao Afarisai nîmaamûririe atîrî, “Aguo arî kû?” Nake Jesû nîwamacokerie atîrî, “Mue mûtimbîcî na mûtiîcî Vava. Angîthîrwa nîmûmbîcî nîmûngîramenya Vava.”

Johana 8:55

Mue mûtianamûmenya, nwatî nie nînîmwîcî. Angîthîrwa nwa mbuge ndimwîcî, nîngîthîrwa nîrî mûthaani wa tamue. Nwatî nie nînîmwîcî na nîmbathîkagîra kiugo gîake.

Ciîko 17:23

Vîndî îrîa nie nîracerangaga îtûûrarî rîîrî rîenyu na ngîroria kûrîa mue mûgoocagîra, nînîrethîre metha ya kûrutîra kîgongoona yandîkîtwe atîrî, ‘Kûrî Ngai ûrîa Ûtaicîkene’. Na kwoguo, ngai ûcio mue mûgoocaga wana mûtamwicî, nîke Ngai ûrîa nie nîravunjia ûvoro wake kûrî mue.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Aroma 3:11

Gûtirî mûndû mûgî kana mûndû ûgoocaga Ngai.

Aroma 3:26

Nwatî rîu mavindarî mama Ngai nîwovanagîra mevia na akonania ûrîa ke arî mûthingu na nîatucaga andû onthe arîa metîkîtie Jesû athingu.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 8:11

Gûtirî mûndû gatagatîrî kao ûkaathomithia mûndû ûrîa wîngî, kana merane atîrî, ‘Menya Mwathani.’ Nîûndû andû onthe nîmakaamenya, kuuma ûrîa mûnene nginya ûrîa mûnini.

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 16:5

Nie nînegwire mûraika ûrîa ûrûngamagîrîra manjî auga atîrî, “We nîwe Ngai Mûtheru. Nîwe Ngai ûrîa ûrî kuo na nîwe warî kuo ûtucanagîra na kîvooto!