Johana 17:24 - ÎVUKU RÎA ÛVORO MWARO

²⁴ “Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 17:24 ပူးပေါင်းရင်းမြစ်များ

Kîam 45:13

Îrani vava ûrîa nie nîrî na ûvoti mûnene gûkû Misiri, na mûmwîre maûndû monthe marîa mwîyonerete, na mûcoke mûmûrete gûkû narua.”

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23

Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 26:29

Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 23:43

Nake Jesû nîwamwîrire atîrî, “Na ma nîrakwîra atî, ûmûnthî ûyû, nîwîthîrwa ûrî îkenero vamwe nanie.”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Johana 15:9

Nie nîmwendete wata ûrîa Vava amendete; îkaragani wendorî wakwa.

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Johana 17:22

Nie nîmavete riiri wata ûrîa we wamvere nîguo matuîke kîndû kîmwe wata ûrîa we nanie tûrî kîndû kîmwe.

Johana 17:5

Vava! Nîrî mbere yaku mva riiri, riiri wata ûrîa naarî naguo mbere ya nthî kûmbwa.

Johana 6:37

Andû onthe arîa Vava amvete nîmagûka kûrî nie. Na nie ndirî vingo ngeengata mûndû wa wonthe ûrîa ûûkaga kûrî nie.

Johana 6:39

Naguo wendi wa ûrîa wandûmire nî atî nie ndiagîrîrwe nî gûta mûndû wana ûmwe wa arîa amveere, nwatî mbagîrîrwe nîgûkaamariûkia onthe mûthenya wa mûthiia.

Johana 8:58

Jesû nîwamacokerie atîrî, “Nîramwîra na ma atî Iburahimu atarî mûciare, ‘Nie naarî wa kuo.’ ”

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 5:8

Tûrî na ûmîrîru mûno na nwa twende kuuma mwîrîrî ûyû nîguo twîthagîrwe tûrî mûciî na Mwathani.

Afil 1:23

Maûndû mau maîrî nîmarangucanîria. Nînîrerirîria mûno gûkua, nîguo ngatûûranie na Kristû nîûndû ûguo nîguo waro mûno.

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

Kûguû 21:22

Nie ndiona hekarû îtûûrarî rîu înene. Hekarû yarîo nî Mwathani Ngai mwene vinya wonthe na Gatûrûme.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.