Johana 17:23 - ÎVUKU RÎA ÛVORO MWARO

²³ Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

Johana 17:23 ပူးပေါင်းရင်းမြစ်များ

Johana 10:38

Nwatî angîthîrwa nîreka maûndû marîa Vava endaga mbîke, nîkwagîrîrîte mwîtîkie maûndû marîa mbîkaga wana ethîrwa mûtirambîtîkia. Mwona mwetîkia maûndû marîa mbîkaga nîmûkûvota kûmenya waro atî nie na Vava tûrî kîndû kîmwe.”

Johana 13:35

Mwekara mwendanîte, andû onthe makaamenyaga atî mûrî arutwa akwa.”

Johana 14:10

Filipu, ndûretîkia atî nie nîrî ndaarî ya Vava na Vava arî ndaarî yakwa? Nie, tînie nîîrîte ciugo irîa namwîra. Vava ûrîa wîkaraga ndaarî yakwa nîke wîkaga maûndû mama.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 15:9

Nie nîmwendete wata ûrîa Vava amendete; îkaragani wendorî wakwa.

Johana 16:27

Vava ke mwene nîamwendete. Amwendete nîûndû nîmûmendete na nîmwîtîkîtie atî naumire kûrî Ngai.

Johana 17:11

Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 17:26

Nie nînakûmenyithanirie kûrî o, na nwa ngûthiî na mbere gwîka wa guo nîguo ûmende wata ûrîa ûmendete, na nîguo wa nanie mbîthagîrwe nîrî ndaarî yao.”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 6:56

Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Afil 3:15

Tuonthe arîa agima kîîroho twagîrîrwe nî kwîthîrwa tûrî na meciria ta mau. Nwatî kûngîthîrwa gatagatîrî kenyu kûrî na andû marî na meciria ngûrani, Ngai akamûguûrîria ûndû ûcio wanaguo.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

Akol 3:14

Na maûndû mau monthe, endanagani nîûndû wendani nîguo ûgwatithanagia andû onthe na ngwatanîro nginyanîru.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 3:1

Oneni wendo ûrîa wîngîvîte ûrîa Îthe wetû atwendete naguo atî twîtagwa ciana cia Ngai na nîguo tûrî. Kîrîa gîatûmire nthî yaga gûtûmenya nî atî ndîaicî Ngai.

1Joh 4:19

Tue twendanaga nîûndû Ngai nîwatwendire mbere.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.