Johana 17:19 - ÎVUKU RÎA ÛVORO MWARO

¹⁹ Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Johana 17:19 ပူးပေါင်းရင်းမြစ်များ

Isaia 62:1

Nîûndû wa Zayuni ndigaakira, na nîûndû wa Jerusalemu ndikaanogoka, nginya rîrîa ûthingu ûkaara kuo ta ûtheri, na ûvonokanio wakanîte kuo ta kîmûrî.

Jeremia 1:5

“Mbere ya ngûmba îvurî rîa nyûkwe nînagwîcî, na mbere ya ûciarwe nînakwamûrire; nînakûthuurire ûtuîke mûrathi kûrî mavûrûri.”

Ndari 7:15

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 15:13

Wendo ûrîa mûnene mûndû angîonania nî kûruta mwoyo wake nîûndû wa arata ake.

Johana 15:3

Mue nîmûrîkîtie kûtherua nî ciugo icio namwîra.

Johana 17:17

Mamûre matuîke aku ûvororî wa ma. Ciugo ciaku nî cia ma.

Johana 17:20

“Tî acio onga tu nîravoera, nwatî nîravoera nginya arîa onthe makaambîtîkia nîûndû wa ndûmîrîri yao.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

2Akor 4:15

Maûndû mama monthe meekirwe nîûndû wenyu. Wata ûrîa wega wa Ngai ûgûkinyîra andû eengî makîria, nwaguo andû acio magaacokagia ngatho kûrî Ngai makîmûgoocaga.

2Akor 7:14

Nîûndû rîrîa nonanirie mwîtîîo kûrî ke nîûndû wenyu, mue mûtianjonorithia. Kwoguo mwîtîîo wetû kûrî Tito nîwonanîtie atî nî wa ma wata ûrîa tûtwîre tûmwîraga ûma.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 2:11

Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.

Ahib 9:13

Ethîrwa andû arîa methagîrwa marî na mûgiro nîmaminjaminjagîrua nthakame ya mbûri na ndegwa, na mûu wa mori ya ng'ombe na makathera,

Ahib 9:18

Kîu nîkîo gîatûmire wana kîrîkanîro Kîam mbere kîruta wîra na njîra ya nthakame.

Ahib 9:26

Nîûndû Kristû angîekire ûguo, nîangîatuîkire wa kûthînua maita meengî mûno kuuma rîrîa nthî yaûmbirwe. Nwatî rîu kûringana na ûrîa kûvana, aaûkire rita rîmwe rîa kwîgana mavinda monthe nîguo na njîra ya îgongoona rîake ke mwene, andû maume meviarî.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.