Johana 17:18 - ÎVUKU RÎA ÛVORO MWARO

¹⁸ Wa ta ûrîa wandûmire gûkû nthî, wa nanie nîguo namatûma.

Johana 17:18 ပူးပေါင်းရင်းမြစ်များ

Mathaayo 10:5

Andû aya îkûmi na aîrî nîmaatûmirwe nî Jesû, na akîmatha atîrî, “Mûtikathiî vûrûrirî wana ûmwe wa andû a ndûrîrî, kana mûthiî îtûûrarî wana rîmwe rîa Asamaria.

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 17:23

Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

Johana 17:25

Vava Mûthingu! Andû a gûkû nthî matigwîcî, nwatî nie nîngwîcî na nginya acio wamvere nîmaicî atî we nîwe wandûmire.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 20:21

Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.”

Johana 3:17

Ngai ndaatûma Mûriû gûkû nthî nîguo atuîre andû, nwatî aamûtûmire gûkû nthî nîguo atuîke mûvonokia wa andû.

Johana 4:38

Nie namûtûma mûthiî mûgakethe maciaro kuuma mûgûndarî ûrîa mue mûtaarutîra wîra. Andû engî nîo maaûrutîre wîra, namue mûragunîka kuumana na wîra wao.”

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.