Johana 17:17 - ÎVUKU RÎA ÛVORO MWARO

¹⁷ Mamûre matuîke aku ûvororî wa ma. Ciugo ciaku nî cia ma.

Johana 17:17 ပူးပေါင်းရင်းမြစ်များ

2Sam 7:28

“Na rîu, Mwathani Ngai-Mûnene, we nîwe Ngai; We nîûvingagia irîkanîro ciaku vîndî cionthe, na nîûmbîrîrîte kîrîkanîro gîkî Kîamro ûguo.

Thaburi 119:104

Na njîra ya mawatho maku, nîngîcaga na ûtaûku, kwoguo nînthûrîte njîra cionthe cia maveeni.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 119:144

Matuîro maku ma ciira methagîrwa vîndî cionthe marî ma kîvooto; mva ûtaûku nîguo ndûûre mwoyo.

Thaburi 119:160

Gatûûrû ga kiugo gîaku nî ûûma; matuîro maku ma ciira ma ûthingu nîmatûûra tene na tene.

Thaburi 119:9

Nî atîa mûndû mwîthî angîvota kwiga ûtûûro wake ûrî mûtheru? Nî na njîra ya kûrûmîrîra maathani maku.

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Luka 8:11

“Ngerekano îo yendaga kwonania atî: mbeû icio nî ndûmîrîri ya Ngai.

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Johana 15:3

Mue nîmûrîkîtie kûtherua nî ciugo icio namwîra.

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Johana 8:32

Nîmûkaamenya ûma na ûma nîûkaamûruta ûkomborî.”

Johana 8:40

Ûndû ûrîa nie naaneka nî kûmûva ûvoro wa ma ûrîa neguire kuuma kûrî Ngai, nwatî mue mûrenda kûmbûraga. Iburahimu ndeka ûndû ta ûcio.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

Aefeso 4:21

Nîrî na ma atî nîmwîguîte ûvoro wîgiî Kristû na mûrî ake. Kwoguo nîmûthomithîtue ûma ûrîa ûrî ndaarî ya Jesû.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

2Ath 2:13

Ariû na aarîa îthe wetû, nwanginya tûcokagie ngatho kûrî Ngai vîndî cionthe nîûndû wenyu mue arîa mwendetwe nî Mwathani. Nîûndû Ngai nîwamûthuurire mûrî a mbere nîguo amûvonokie na njîra ya kûtherua nî Roho mûtheru na gwîtîkia ûvoro wa ma.

Jakuvu 1:21

Kwoguo îîyaûreni mîtugo yonthe mîcûku na maûndû monthe matarî maro. Îînyivieni mbere ya Ngai na mwamûkîre kiugo kîrîa avandaga ngororî cienyu na nîkîo kîngîvota kûmûvonokia.