Johana 17:13 - ÎVUKU RÎA ÛVORO MWARO

¹³ Rîu nie nîkwa mbûkîte kûrî we. Nîraria maûndû mama nîrî gûkû nthî nîguo arûmîrîri akwa magîe na gîkeno gîcûru ta kîrîa nîrî nakîo.

Johana 17:13 ပူးပေါင်းရင်းမြစ်များ

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Thaburi 126:5

Arîa mavandaga na methori, magaaketha makenete!

Thaburi 43:4

Nîngaacoka nthiî metharî ya kîgongoona ya Ngai, nîngaûka kûrî we Ngai ûrîa ûngenagia mûno. Nîngaakwinîra ngîvûraga kînanda ngîgûkumagia, we Ngai, Ngai wakwa.

Johana 13:3

Nake Jesû nîwaicî atî Îthe aarî mûmûveu vinya wa gwîka maûndû monthe. Nîwaicî atî ke aaumîte kûrî Ngai na aacokete kûrî Ngai.

Johana 15:11

“Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Johana 17:11

Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Johana 7:33

Nake Jesû nîwamerire atîrî, “Nîmbîthîrwa nîrî vamwe namue kavinda gakuvî, na vuvarî njoke nthiî kûrî ûrîa wandûmire.

Ciîko 13:52

Nwatî etîkia nîmecûrirwe nî gîkeno na Roho Mûtheru.

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

1Joh 1:4

Tûramwandîkîra ûguo nîguo gîkeno gîetû gîtuîke gîcûru.

2Joh 1:12

Nîrî na maûndû meengî mûno ma kûmwîra, nwatî ndirenda gwîka ûguo na njîra ya karatathi na rangi. Vandû va ûguo nîmbîrîgîrîrîte gûka kûmwona na twaranîrie metho kwa metho nîguo gîkeno gîetû gîtuîke gîcûru.