Johana 17:11 - ÎVUKU RÎA ÛVORO MWARO

¹¹ Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Johana 17:11 ပူးပေါင်းရင်းမြစ်များ

Thaburi 79:9

Tûtethie We Ngai, mûvonokia wetû; tûvonokie na ûtûovere mevia metû, nîûndû wa gîtîîo Kîam rîîtwa rîaku.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 27:3

“Nie Ngai-Mûnene, nînie nîûmenyagîrîra, na ngawîtîrîria manjî vîndî cionthe. Nîûrangagîra ûtukû na mûthenya, nîguo ndûgacûkangue nî mûndû wa wonthe.

Isaia 64:2

Ingîvîa ta ûrîa mwaki ûvîvagia kîthaka, ta ûrîa mwaki ûtûmaga manjî matherûke. Ûka ûmenyithanie rîîtwa rîaku kûrî nthû ciaku, na ûtûme ndûrîrî cinaine irî mbere yaku!

Jeremia 14:21

Nîûndû wa rîîtwa rîaku ndûgatûtiganîrie, ndûkananyararithie gîtî gîaku Kîam ûthamaki, ririkana kîrîkanîro gîaku na andû a Isiraeli.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Ezek 20:22

Nwatî nînathunithirie njara yakwa ndigeke guo nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:44

Mue andû a Isiraeli nîmûkaamenya atî nie Ngai-Mûnene nînie mbîkîte maûndû mau monthe nîûndû wa rîîtwa rîakwa nie mwene. Ndikethîrwa nîmwîkîte kûringana na ûrîa mwagîrîrwe nîgwîkwa nîûndû wa wîvia wenyu, wana kana kûringana na maûndû menyu marîa macûku.” Ûguo nîguo Ngai-Mûnene augîte.

Ezek 20:9

Nwatî ndieka guo nîguo rîîtwa rîakwa rîtikanyararwe nî ndûrîrî irîa maatûûraga gatagatîrî ga cio. Ndûrîrî icio nîcionire ngîîmenyithania kûrî andû a Isiraeli na njîra ya kûmaruta vûrûri wa Misiri.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Johana 13:1

Gwatigarîtie mûthenya ûmwe kîrugo Kîam pasaka Kîammbîrîrie. Jesû nîwaicî atî îvinda rîake rîa kuuma gûkû nthî athiî kûrî îthe rîarî rîkinyu. Ke aarî mwendu andû ake arîa maarî gûkû nthî, na aamendire nginya mûthiia.

Johana 13:3

Nake Jesû nîwaicî atî Îthe aarî mûmûveu vinya wa gwîka maûndû monthe. Nîwaicî atî ke aaumîte kûrî Ngai na aacokete kûrî Ngai.

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 16:28

Nie naumire kûrî Vava na ngîûka gûkû nthî na rîu nînguuma gûkû nthî njoke kûrî Vava.”

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Johana 17:23

Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

Johana 17:25

Vava Mûthingu! Andû a gûkû nthî matigwîcî, nwatî nie nîngwîcî na nginya acio wamvere nîmaicî atî we nîwe wandûmire.

Johana 17:6

“Nîndûmîte ûmenyekane nî andû a gûkû nthî arîa wamvere. O maarî aku, nawe nîwamûvere o na makîathîkîra ciugo ciaku.

Johana 7:33

Nake Jesû nîwamerire atîrî, “Nîmbîthîrwa nîrî vamwe namue kavinda gakuvî, na vuvarî njoke nthiî kûrî ûrîa wandûmire.

Ciîko 3:21

Nwatî Jesû nwa nginya ekare îgûrû nginya rîrîa kavinda gagaakinya ka maûndû monthe gûtuîka macerû. Kavinda kau nîko Ngai ke aaririe kuuma tene na njîra ya tûnyua twa arathi ake atheru.

Aroma 12:5

Na njîra ta îno, wana ethîrwa tûrî eengî twîthagîrwa tûrî mwîrî ûmwe na Kristû na tuonthe twîthagîrwa twovanîtue vamwe tûrî ciîga cia mwîrî ûmwe.

Aroma 9:17

Nîûndû mandîkorî matheru Ngai erire mûthamaki wa Misiri atîrî, “Nie naagûtuire mûthamaki nîguo ngûtûmîre kwonania vinya wakwa na ngumo yakwa îtambe nthî yonthe.”

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Aefeso 4:4

Kûrî mwîrî ûmwe na Roho ûmwe, wata ûrîa kûrî mwîrîgîrîro ûmwe ûrîa Ngai amwîtîrîte.

Afil 2:9

Nîûndû wa ûguo Ngai nîwamûtûgîririe îgûrû mûno, na akîmûva rîîtwa rînene gûkîra marîa mengî monthe.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 19:12

Metho make maakanîte ta mwaki mûkengu mûno. Kîongorî gîake nîwekîrîte nthûmbî nyîngî. Mwîrîrî wake nîkwandîkîtwe rîîtwa, nwatî gûtirî mûndû ûngîarîmenyire tiga Ke mwene.

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”