Johana 16:8 - ÎVUKU RÎA ÛVORO MWARO

⁸ Rîrîa agaaûka nîakoonia andû a gûkû nthî ûrîa mavîtîtie îgûrû rîa maûndû megiî wîvia, ûthingu na ûvoro wîgiî gûtuîrwa ciira.

Johana 16:8 ပူးပေါင်းရင်းမြစ်များ

Alawi 13:12

Nwatî ethîrwa mûrimû ûcio wa ngothi ûtambîte mwîrî wonthe kuuma kîongo nginya magûrû,

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 16:9

Mavîtîtie ûvororî wîgiî mevia nîûndû matimbîtîkîtie;

Johana 8:46

Nîûrîkû gatagatîrî kenyu ûngîvota kwonania atî nîrî na ûcuke? Angîthîrwa nie mbaragia ûvoro wa ma, mûrarega kûmbîtîkia nîkî?

Johana 8:9

Rîrîa meegwire ûguo, nîmaambîrîrie kûthiî ûmwe kwa ûmwe, mambîrîrîtue nî arîa maarî akûrû. Nao nîmaatigire Jesû arî wenga na mûndûmûka ûcio arûngamîte wa varîa aarî.

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

1Akor 14:24

Nwatî ethîrwa muonthe nîmûranîrîra ndûmîrîri ya Ngai vîndî îrîa andû arîa matarî ataûkîre kana matetîkîtie maratonya kûrîa mûrî, maûndû monthe marîa maregua nîmo makûmacirithia na matûme mamenye mevia mao.

Juda 1:15

gûtuîra andû onthe. Ke nîakaaverithia arîa onthe matarî na ûngai, nîûndû wa ciîko cionthe njûku maneka, na averithie evia arîa onthe manaria ciugo njûku cia gûcambithia Mwathani!”