Johana 16:7 - ÎVUKU RÎA ÛVORO MWARO

⁷ Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Johana 16:7 ပူးပေါင်းရင်းမြစ်များ

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Luka 24:49

Nie nînie ngaamûtûmîra kîrîa Ngai Vava aamwîrîîre. Nwatî nwa nginya mwîkare gûkû îtûûrarî rîa Jerusalemu mwetererete nginya rîrîa mûkaagîa na vinya wa Ngai kuuma îgûrû.”

Luka 4:25

Jesû nîwerire andû acio atîrî, “Taririkanani ûrîa gwekîkire vîndî ya Elija, rîrîa gwekarire mîaka îthatû na nuthu gûtakuura mbura, na gûkîgîa yûra rînene mûno vûrûrirî wonthe wa Isiraeli. Nîramwîra na ma atî kwarî na aka eengî a ndigwa,

Luka 9:27

Nwatî nie nîramwîra na ma atî, ava varî na andû amwe matagaakua matambîte kwona Ûthamaki wa Ngai.”

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 14:28

Mue nîmwîguîte ngîmwîra atî, ‘Nînîrathiî, nwatî ngaamûcokerera.’ Ethîrwa na ma nîmûmendete, nîmûngîrakena nîûndû nîrathiî kûrî Vava, nîûndû ke nî mûnene kûngîra.

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 16:8

Rîrîa agaaûka nîakoonia andû a gûkû nthî ûrîa mavîtîtie îgûrû rîa maûndû megiî wîvia, ûthingu na ûvoro wîgiî gûtuîrwa ciira.

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Ciîko 10:34

Petero nîwatumûrire kanyua na akiuga atîrî, “Rîu nie nînamenya na ma atî Ngai ndarî kîmenyano.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.