Johana 16:32 - ÎVUKU RÎA ÛVORO MWARO

³² Kavinda nîgagûkinya, na rîu nîgakinyu, kavinda karîa muonthe mûkaanyagarûkana wa mûndû enûke gwake mûciî na mûndige nîrî nienga. Nwatî ndirî nienga nîûndû Vava arî vamwe nanie.

Johana 16:32 ပူးပေါင်းရင်းမြစ်များ

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 26:31

Nake Jesû nîwamerire atîrî, “Ûtukû ûyû wa ûmûnthî muonthe nîmûkûûra mûndiganîrie. Nîûndû Mandîko maugîte atîrî, ‘Ngai nîakaaûraga mûrîthi; nacio ng'ondu ivurunjûke.’

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Maariko 14:27

Jesû nîwamerire atîrî, “Muonthe nîmûkûremwa nî kûmîrîria na mûndiganîrie, nîûndû mandîko maugîte atîrî, ‘Ngai nîakaaûraga mûrîthi, nacio ng'ondu ivurunjûke.’

Maariko 14:50

Nao arutwa ake onthe nîmaaûrire na makîmûtiganîria.

Johana 12:23

Nake Jesû nîwamerire atîrî, “Îvinda nîrîkinyu Mûrû wa Mûndû avewe riiri.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Johana 16:25

“Namwîra maûndû mama monthe na ngerekano. Nwatî kavinda nîgagaakinya rîrîa ndakaamwîra maûndû na ngerekano, nwatî ngaamwîra cararûkû ûvoro wîgiî Vava.

Johana 16:31

Nake Jesû nîwamacokerie atîrî, “Kwoguo rîu nîmwetîkia?

Johana 19:27

Nîwacokire akîra mûrutwa ûcio atîrî, “Ûyû nîke nyûkwe.” Na kuuma vîndî îo mûrutwa ûcio nîwamwocire makîthiî gwîkara nake gwake mûciî.

Johana 20:10

Nao arutwa acio nîmaacokire makînûka kwao mîciî.

Johana 4:21

Jesû nîwerire mûndûmûka ûcio atîrî, “Mûndûmûka ûyû mbîtîkia nîûndû kavinda nîgagûkinya karîa andû matagacoka kûgoocera Vava kîrîmarî gîkî wana kana îtûûrarî rîa Jerusalemu.

Johana 4:23

Nwatî kavinda nîgagûkinya karîa andû makaagoocaga Îthe wetû marî na Roho na ûma. Kavinda kau rîu nîgakinyu.

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Johana 5:28

Tigani kûmakua nî maûndû mama, nîûndû îvinda nîrîgaakinya rîrîa akuû onthe makeegua mûgambo wake,

Johana 8:16

Nwatî wana ningîtucanîra ciira îtua rîakwa rîngîthîrwa rîrî rîa ma, nîûndû nditucanagîra ciira nîrî nienga. Nwatî twîthagîrwa tûrî na Vava ûrîa wandûmire.

Johana 8:29

Nake ûrîa wandûmire arî vamwe nanie. Ke tîmûndigu nîrî nienga nîûndû vîndî cionthe mbîkaga maûndû marîa mamûkenagia.”

Ciîko 21:6

Na rîrîa twarîkirie kuganîra ûvoro, o nîmaacokire mîciî kwao, natue tûgîtwa merirî tûkîîthiîra.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.