Johana 16:30 - ÎVUKU RÎA ÛVORO MWARO

³⁰ Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”

Johana 16:30 ပူးပေါင်းရင်းမြစ်များ

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

Johana 16:17

Arutwa amwe ake nîmaambîrîrie kûrania atîrî, “Rîu nîkwa aratwîra atîa? Atî aratwîra vandû va kavinda kanini tûtigûcoka kûmwona, nwatî vuva wa kavinda kanini tûkaamwona. Wana rîngî akauga atî, tûtigûcoka kûmwona nîûndû nîarathiî kûrî Îthe.

Johana 16:23

“Rîrîa mûthenya ûcio ûgaakinya mûtikaambûria wanarî atîa. Nie nîramwîra na ma atî, Vava nîakaamûva kîndû wa kîonthe kîrîa mûkaamûvoya na rîîtwa rîakwa.

Johana 16:26

Rîrîa mûthenya ûcio ûgaakinya, nîmûkaamûvoya na rîîtwa rîakwa. Nie ndiramwîra atî nîngaamûvoera kûrî Vava.

Johana 16:31

Nake Jesû nîwamacokerie atîrî, “Kwoguo rîu nîmwetîkia?

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 2:11

Jesû aaringire Kîamma gîkî Kîam mbere, arî Kaana ya Galili. Kûu nîkuo oonanirie riiri wake, na arutwa ake makîmwîtîkia.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 5:20

Nîûndû Îthe nîwendete Mûriû na nîamwonagia maûndû monthe marîa ke mwene ekaga. Ke nîakaamwonia wana maûndû manene ma gwîka gûkîra mama, na mue nîmûkaamaka.

Johana 8:42

Nake Jesû nîwamerire atîrî, “Angîthîrwa na ma Ngai nîke Îthe wenyu, nîmûngîmendete nîûndû naaumire kûrî Ngai na rîu nîrî ava. Nie tînie netûmire nwatî Ngai nîke wandûmire.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.