Johana 16:26 - ÎVUKU RÎA ÛVORO MWARO

²⁶ Rîrîa mûthenya ûcio ûgaakinya, nîmûkaamûvoya na rîîtwa rîakwa. Nie ndiramwîra atî nîngaamûvoera kûrî Vava.

Johana 16:26 ပူးပေါင်းရင်းမြစ်များ

Aroma 8:34

Nû ûngîmatuîra atî nî evia? Gûtirî wana ûmwe. Jesû Kristû nîke wakuire na agîcoka akîriûka na arî njararî ya ûrîo ya Ngai. Ke nîke ûtûthaithanagîra kûrî Ngai.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Johana 17:9

“Acio nîo nîravoera. Ndiravoera andû a gûkû nthî nwatî nîravoera arîa wamvere nîûndû nî aku.

Johana 16:23

“Rîrîa mûthenya ûcio ûgaakinya mûtikaambûria wanarî atîa. Nie nîramwîra na ma atî, Vava nîakaamûva kîndû wa kîonthe kîrîa mûkaamûvoya na rîîtwa rîakwa.

Johana 14:16

Nie nîngûvoya Vava, nake nîakûmûva Mûtethia wîngî nîguo atûûranagie namue tene na tene.

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 16:19

Jesû nîwamenyaga atî arutwa nîmeendaga kûmûria ûvoro wîgiî ûndû ûcio. Kwoguo nîwamerire atîrî, “Angwa nîkwa mûraûrania ûrîa ngwendaga kuga rîrîa namwîra atî, ‘Vandû va kavinda kanini mûtigûcoka kûmona, nwatî vuva wa kavinda kanini mûkaamona?’

Johana 16:30

Rîu nîtwamenya atî we nîwîcî maûndû monthe. We nîûvotaga gûcokeria mûndû kîûria wana mbere ya akûrie. Ûndû ûyû nîguo ûratûma twîtîkie atî we waumire kûrî Ngai.”