Johana 16:22 - ÎVUKU RÎA ÛVORO MWARO

²² Kwoguo mue rîu mûrî na kîeva, nwatî nîngaamwona rîngî na vîndî îo nîmûkaagîa na gîkeno, gîkeno kîrîa gûtarî mûndû ûngîmûcuna.

Johana 16:22 ပူးပေါင်းရင်းမြစ်များ

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 146:2

Ngaakumagia Ngai-Mûnene ûtûûrorî wakwa wonthe; ngainagîra Ngai ûtûûrorî wakwa wonthe.

Thaburi 33:21

Kwoguo ngoro cietû nîikenete nîûndû wake, nîtwîvokete rîîtwa rîake rîtheru.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Luka 10:42

nwatî ûndû ûmwe tu nîguo ûravatarîka. Mariamu nîwethuurîra ûndû ûrîa wagîrîrîte na ke tî acunwa guo.”

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

Luka 19:26

Nake mûnene ûcio nîwamacokerie atîrî, ‘Nîramwîra na ma atî mûndû wa wonthe ûrî na kîndû nîakoongererwa ciîngî nyîngî, nwatî mûndû ûrîa ûtarî na kîndû, wana kîrîa kînini arî nakîo nîagaacunwa.

Luka 24:41

Na rîrîa meekarîte ûguo matagwîtîkia nîûndû wa gûkena na kûmaka, Jesû nîwamaûririe atîrî, “Mûrî na kîndû kîngîrîwa?”

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Johana 16:16

“Vandû va kavinda kanini mûtigûcoka kûmona, nwatî vuva wa kavinda kanini mûkaamona.”

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Johana 16:6

Na rîu ngoro cienyu nîmbîcûre nî kîeva nîûndû nînamwîra maûndû mama.

Johana 21:7

Nake mûrutwa ûrîa Jesû eendeete nîwerire Petero atîrî, “Nî Mwathani!” Na rîrîa Petero eegwire atî nî Mwathani, nîwekîrire kanjû yake (nîûndû aarî mûmîrutu) na akîrûga manjîrî.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Ciîko 13:52

Nwatî etîkia nîmecûrirwe nî gîkeno na Roho Mûtheru.

Ciîko 16:25

Na vakuvî ûtukû gatagatî Paûlo na Sailasi nîmaavoyaga makinagîra Ngai nyîmbo cia kûmûkumia. Nao andû acio engî moovetwe nîmaamathikîrîrîtie.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,