Johana 16:20 - ÎVUKU RÎA ÛVORO MWARO

²⁰ Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Johana 16:20 ပူးပေါင်းရင်းမြစ်များ

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Thaburi 30:11

Nîûtûmîte gûcakaya gwakwa gûtuîka gîkeno, nî ûnthirîrîtie kîeva kanthiûrûrûkîria na gîkeno.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 97:11

Ûtheri ûtheragîra mûndû ûrîa mûthingu, na nîûretage gîkeno kûrî arîa atheru ngoro.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 31:25

Nîngaacanjamûra arîa anogu, na nyûmîrîrie arîa matarî na vinya.

Mathaayo 21:38

Nwatî rîrîa arîmi acio moonire mûvîcî nîmeeranire atîrî, ‘Ûyû nîke ûgaatigîrwa mûgûnda ûyû wî îgai rîake, ûkani tûmûrage nîguo îgai rîu rîake rîtuîke rîetû.’

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Maariko 14:72

Na kavinda wa kau ngûkû nîyagambire riita rîa kaîrî. Nake Petero nîwaririkanire ûrîa Jesû aamwîrîte atî, “Mbere ya ngûkû îgambe maita maîrî nîûkwîthîrwa ûngaanîte maita mathatû.” Nake Petero nîwatumûkire na kîrîro.

Maariko 16:10

Nake Mariamu nîwathiîre kûrî arutwa a Jesû na akîmethîrîria makîrîraga na marî na kîeva. Na vuva wa ûguo Jesû ke mwene nîwatûmire arutwa ake mathiî mwena wa îrathîro na wa îthûîro makavecane ndûmîrîri îrîa ntheru na ya ûvonokio wa tene na tene.]

Luka 22:45

Rîrîa Jesû aarîkirie kûvoya, nîwacokire varîa aatigîte arutwa ake na akîmethîrîria mamamîte na maûrîtwe nî vinya nîûndû wa kîeva.

Luka 22:62

Nake Petero nîwacokire akiuma nja na akîrîra arî na ûrûrû mwîngî ngororî yake.

Luka 23:27

Andû eengî mûno nîmaaumire Jesû vuva na gatagatîrî kao vaarî na aka maarîragîra Jesû marî na kîeva kîîngî ngororî ciao.

Luka 24:17

Nake Jesû nîwamaûririe atîrî, “Nî ûvoro ûrîkû mûthiîte mûkîaragia?” Nao nîmaarûngamire marî na kîeva kîîngî mûno.

Luka 24:21

Natue tûrevokete atî ke nîke ûkûvonokia andû a Isiraeli. Na makîria ya ûguo, ûyû rîu nîguo mûthenya wa kathatû kuuma maûndû mau mekîka.

Luka 6:21

Kûrathimwa nîmue arîa avûtu rîu, nîûndû nîmûkaavaithua! Kûrathimwa nîmue arîa mûrarîra rîu, nîûndû nîmûkaatheka!

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Johana 16:6

Na rîu ngoro cienyu nîmbîcûre nî kîeva nîûndû nînamwîra maûndû mama.

Johana 20:20

Nake arîkia kûmeera ûguo nîwamonirie njara na mbaru ciake. Nao arutwa nîmaakenire mûno rîrîa moonire Mwathani.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

Aroma 5:11

Na twa ûguo tu, nwatî nîtûkenete nî Ngai nîûndû na njîra ya Jesû Kristû nîtûtuîkîte arata ake.

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

1Ath 1:6

Nîmwegerekanirie natue na mûkîîgerekania na Mwathani. Nwatî wana ethîrwa nîmwathînîkire mûno, nîmwamûkîre ndûmîrîri îo mûrî na gîkeno kîrîa kiumaga kûrî Roho Mûtheru.

Jakuvu 1:2

Ariû na aarî a îthe wetû, rîrîa mwagîa na magerio ma mîthemba na mîthemba, nîmwagîrîrwe nî gwîcûragwa nî gîkeno,

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’