Johana 16:13 - ÎVUKU RÎA ÛVORO MWARO

¹³ Rîrîa Roho ûrîa wonanagia ûvoro wa ma wa Ngai agaaûka, nîakaamûtongoria maûndûrî monthe ma ma. Ke ndakaaria maûndû na wathani, nwatî akaaria marîa egucaga na amwîre ûvoro wîgiî maûndû marîa magaaûka.

Johana 16:13 ပူးပေါင်းရင်းမြစ်များ

Isaia 11:2

Nîagecûrwa nî Roho wa Ngai-Mûnene, roho wa ûûgî na ûtaûku; roho wa ûtaarani na vinya, roho wa ûmenyo na gwîtigîra Ngai-Mûnene.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Johana 12:49

Nie ndinaria na wathani wakwa nie mwene, nwatî Vava ûrîa wandûmire nîke ûmvete ûrîa mbagîrîrwe nî kuga na kwaria.

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:26

Nwatî Mûtethia, na nîke Roho Mûtheru, ûrîa Vava agaatûma na rîîtwa rîakwa, nîakaamûthomithia maûndû monthe na amûvotithie kûririkana ûrîa wonthe namwîra.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 16:12

“Nîrî na maûndû mengî meengî ma kûmwîra, nwatî rîu mûtingîvota kûmaûmîrîria.

Johana 3:32

Arutaga ûira wîgiî maûndû marîa onete na eguîte, nwatî gûtirî mûndû wîtîkagîra ûira wake.

Johana 8:38

Nie mbaragia maûndû marîa Vava amonetie, nwatî mue mwîkaga maûndû marîa îthe wenyu amwîrîte.”

Ciîko 11:28

Nake ûmwe gatagatîrî kao wetagwa Agabo, nîwarûngamire, na ke atethetue nî Roho nîwarathire akiuga atî nthî kuonthe nîgûkûgîa na yûra rînene. (Ûndû ûyû wekîkire vîndî ya wathani wa Kilaudio.)

Ciîko 20:23

Nie ûrîa mbîcî tu nî atî îtûûrarî wa rîonthe Roho Mûtheru nîambîraga atî kûthînua na kwovwa njeera nîkûmbetererete.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

2Ath 2:12

Ngai eekire ûguo nîguo arîa onthe maregete gwîtîkia ûvoro wa ma na makenagîra gwîka mevia magaatuîrwa.

2Ath 2:3

Mûtikaanaveenue nî mûndû na ûndû wana ûrîkû. Nîûndû Mûthenya wa Mwathani ndûgaakinya mbere ya îvinda rîa andû kûregana na Ngai rîkinye na mûndû mwaganu eyonanie, ûrîa Ngai agaacûkangia îcuarî.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

1Joh 4:6

Nwatî tue tûrî a Ngai. Mûndû wa wonthe wîcî Ngai nîatûthikagîrîria. Mûndû wa wonthe ûtarî wa Ngai ndatûthikagîrîria. Na njîra ta îno nîtûmenyaga Roho wa ma na roho wa maveeni.

1Joh 5:6

Jesû Kristû nîke ûrîa waûkire na njîra ya manjî ma ûvatithio na nthakame ya gîkuû gîake. Ke ndaaûka tu na njîra ya manjî nwatî aûkire na manjî na nthakame. Roho ke mwene nî mûira atî ûvoro ûyû nî wa ma nîûndû Roho ûma.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,

Kûguû 1:19

Kwoguo andîka maûndû marîa ûkwona, maûndû marîa marî kuo rîu na maûndû marîa mageekîka vuvarî.